ჟურნალისტი, ვახო სანაია:
საკრუიზო ლაინერი როგორც მოადგა ნაპირს – თავხედურად, პროვოკაციულად, დემონსტრაციულად, თუ ამას ვერ გრძნობ, შენთვის რუსს მოუგია უკვე მთავარი ომი. ის ლაინერი სიმბოლოა იმის, ვის ეკუთვნის ეს ქვეყანა. საქართველოში ყველა ასეთი სიმბოლო ამოიცნეს – გავრილოვიც, პოზნერიც, ლავროვის ოჯახი, კიდევ ბევრი რამ და ეს ლაინერიც. ამიტომ ეს პროტესტი დადასტურებაა იმისა, რომ ეს ქვეყანა არაა რუსის და ასეთი სიმბოლური, თავხედური, რუსული ჟესტი არ დარჩება უპასუხოდ.
როცა ასეთი აქციები არ გაიმართება, ჩათვალეთ, რუსებს მოუმთავრებიათ აქ საქმე.
სიბრიყვე, მავნებლობა ან რუსობაა ამ ლაინერის შემოსვლის ტურიზმთან მიბმა. არანაირი კავშირი ამ ამბავს ტურიზმთან არა აქვს.
ან გრძნობ ამ საფრთხეს ან დაბლაგვებული გაქვს ან უბრალოდ უსინდისო ხარ.
●
აქვე კიდევ ერთი საკითხი.
ზოგადად არც ისაა მართებული, რუსი მიგრანტების უკონტროლო ნაკადებს ტურისტებს რომ უწოდებენ. ტურისტია ის, ვინც მოდის და მალევე მიდის. რუსეთის მოქალაქეები სხვა მიზნით ჩამოდიან – ან ახლავე დასარჩენად ან ფეხის მოსაკიდებლად, რომ საჭიროების შემთხვევაში ისევ დაბრუნდნენ. ამიტომაც ხსნიან ბიზნესს და ყიდულობენ უძრავ ქონებას. აჩანაგებენ ადგილობრივ მოსახლეობას. ამას დაუმატეთ გაძეძგილი აგენტურა საზოგადოების ყველა სეგმენტში და ზედ რუსი ოლიგარქის ხელისუფლება.
ტურიზმი არა, იხვი.
კომენტარები