ფოტო – ტვ პირველი
“ტვ პირველის” ინფორმაციით, ლილოში მომხდარი სისხლიანი ანგარიშსწორების დეტალების მიხედვით, რომან ისაევზე თავდასხმა საკუთარ მაღაზიაში მოხდა.
დაშავებულს გადაუდებელი ოპერაცია სჭირდება, მართვით სუნთქვაზე იმყოფება და ექიმები მის მდგომარეობას კრიტიკულად მძიმედ აფასებენ.
ახალგაზრდა კაცს, რომელსაც ტექსტილის მაღაზია აქვს, შეიარაღებული პირი ჯერ საქმის გასარჩევად ქუჩაში გასვლას აიძულებდა, უარის გამო კი ცეცხლი გაუხსნა.
უმისამართო სროლას ბაზრობის მოვაჭრეები სასწაულით გადაურჩნენ, შეიარაღებულ დამნაშავეს ახლა პოლიცია ყველგან ეძებს. მისი ვინაობა პოლიციამ სავარაუდოდ, უკვე იცის, რადგან ჯერ დაპირისპირების და შემდეგ დაჭრის ფაქტი სათვალთვალო კამერებმა გადაიღო.
მომხდართან დაკავშირებით გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.
კომენტარები