“ლელოს” გენერალური მდივანი სართიჭალაში მომხდარ უბედურ შემთხვევას ეხმაურება, რა დროსაც შემოვლითი გზის მშენებლობაზე, სატვირთოს მძღოლი დაიღუპა.
“სართიჭალაში მშენებლობაზე მძღოლი გარდაიცვალა, რომელსაც 55 ტონიანი ბეტონის ფილა დაეცა.
კომპანიის წარმომადგენლები, ღიმილით გვაცნობენ რომ თვითონ ყველაფერს აკეთებენ, მაგრამ მუშები არიან თურმე დაუდევრები.
ზუსტად ამისთვის არსებობს შრომის უსაფრთხოების სპეციალისტები, რომლებიც ასეთ დროს უნდა მუშაობდნენ ადგილზე, მართავდნენ პროცესს და პასუხისმგებლობას იღებდნენ მსგავს უბედურ შემთხვევებზე.
დაღუპულ მუშებზე, მშენებლებზე, მძღოლებზე საკუთარი სიკვდილისვე დაბრალება არის მორალურად ხრწნადი მდგომარეობა და ასევე შრომის კოდექსის უგულვებელყოფა!”, – წერს ირაკლი კუპრაძე.
მომხდარზე გამოძიება 240 მუხლის მე-2 ნაწილით დაიწყო, რაც გულისხმობს სამშენებლო სამუშაოების წარმოებისას უსაფრთხოების წესების დარღვევას, რამაც ადამიანის სიცოცხლის მოსპობა გამოიწვია.
კომენტარები