„თანამონაწილეობისა და ჩართულობის ცენტრი სიპისის“ ორგანიზებით, ოზურგეთის მუნიციპალიტეტში მოქმედი სამოქალაქო საზოგადოების ინსტიტუტებისა და მედიის წარმომადგენლებთან შეხვედრა გაიმართა

20 ივლისს „თანამონაწილეობისა და ჩართულობის ცენტრი სიპისის“ ორგანიზებით, პროექტის „გამჭვირვალობა და ანგარიშვალდებულება  – სამოქალაქო კეთილდღეობისთვის“ ფარგლებში კომუნიკაციის ჯგუფის წევრების მორიგი სამუშაო შეხვედრა გაიმართა, რომელსაც ოზურგეთის მუნიციპალიტეტში მოქმედი სამოქალაქო საზოგადოების ინსტიტუტებისა და მედიის წარმომადგენლები ესწრებოდნენ.
კომუნიკაციის კონსულტანტმა ფატი მამიაშვილმა შეხვედრის მონაწილეებს „თანამონაწილეობისა და ჩართულობის ცენტრი სიპისის“ კომუნიკაციის სტრატეგია გააცნო და ხაზი გაუსვა სსო-ების ინსტიტუციური განვითარების პროცესში მსგავსი დოკუმენტის  მნიშვნელობას.
შეხვედრაზე მოწვეულმა არასამთავრობო სექტორის და მედიის წარმომადგენლებმა ისაუბრეს ურთიერთთანამშრომშრომლობისა და კომუნიკაციის სფეროში არსებულ გამოწვევებზე. მედიის წარმომადგენლების თქმით, რეგიონში კოალიციური და მედიასთან კოლაბორაციაში პროექტების განხორციელება მნიშვნელოვნად გააძლიერებს ორივე სექტორს.
შეხვედრას ესწრებოდნენ: „ინოვაციებისა და სამოქალაქო განვითარების ცენტრი – პროგრესის სახლის“, „სტუდენტურ-ახალგაზრდული სათათბიროს“, „ახალგაზრდა პედაგოგთა კავშირის“, „საქართველოს დემოკრატიული განვითარების ცენტრის“ წარმომადგენლები და რეგიონში მოქმედი მედია ორგანიზაციები.
შეხვედრა გაიმართა პროექტის „გამჭვირვალობა და ანგარიშვალდებულება  – სამოქალაქო კეთილდღეობისთვის“ ფარგლებში. პროექტის მიზანია „თანამონაწილეობისა და ჩართულობის ცენტრი სიპისის“ ინსტიტუციური გაძლიერება სამომავლო ხედვისა და მიზნების სრულყოფის,  ასევე სამოქალაქო საზოგადოებასა და დაინტერესებულ მხარეებთან/პარტნიორებთან მჭიდრო თანამშრომლობის გზით.
პუბლიკაცია შექმნილია „სამოქალაქო საზოგადოების ინსტიტუტის“ (CSI) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. მის შინაარსზე სრულად პასუხისმგებელია „თანამონაწილეობისა და ჩართულობის ცენტრი სიპისი“ და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს.