დანით, ჩაქუჩით და სახრახნისით მეუღლე 33–ჯერ დაჭრა – საზარელი მკვლელობის დეტალები

საქართველოს პროკურატურამ ოჯახის წევრის დამამძიმებელ გარემოებაში მკვლელობის მცდელობის ფაქტზე ერთ პირს ბრალდება წარუდგინა.

ირკვევა, რომ შემთხვევა 2 ივლისს მოხდა. გამოძიების ინფორმაციით, ბრალდებულმა მეუღლეს დანით, ჩაქუჩით და სახრახნისით სხვადასხვა არეში 33 ჭრილობა მიაყენა.

“შინაგან საქმეთა სამინისტროს მიერ ჩატარებული გამოძიებით დადგინდა, რომ 2 ივლისს, თბილისში, ბრალდებულმა მეუღლეს დანით, ჩაქუჩით და სახრახნისით სხეულის სხვადასხვა არეში 33 ჭრილობა მიაყენა. მიღებული დაზიანებების შედეგად დაზარალებული კრიტიკულად მძიმე მდგომარეობაში საავადმყოფოში  იქნა გადაყვანილი.

სამართალდამცველებმა ბრალდებული იმავე დღეს დააკავეს. მას ბრალდება სისხლის სამართლის კოდექსის 11 პრიმა 19,109-ე მუხლის „კ“ და „მ“ ქვეპუნქტებით (განზრახ მკვლელობის მცდელობა, ჩადენილი განსაკუთრებული სისასტიკით ოჯახის წევრის მიმართ) წარედგინა, რაც სასჯელის სახედ და ზომად თექვსმეტიდან ოც წლამდე თავისუფლების აღკვეთას ითვალისწინებს”, – წერს პროკურატურა.