გამთენისას ძლიერმა წვიმამ და წყალმოვარდნებმა პრობლემები შექმნა სამეგრელოში, ყველაზე დიდი ზიანი რეგიონში წალენჯიხის მუნიციპალიტეტს მიადგა, დაზიანდა საგზაო ინფრასტრუქტურის ნაწილი, წყალდიდობამ დააზიანა სასოფლო გზების დამაკავშირებელი ხიდი.
უხვი ნალექის გამო დატბორილია სახნავ-სათესი სავარგულები, საავტომობილო გზები, ტროტუარები. ჩამორეცხილია შიდა საუბნო გზები. ჩამოშლილია ნაპირსამაგრი ჯებირები
სტიქიის ზონაში დღეს სახელმწიფო რწმუნებული გიორგი გუგუჩია, მოადგილეებთან ერთად იმყოფებოდა. ადგილზე იმყოფება წალენჯიხის მუნიციპალიტეტის მერის მოადგილეები ვანო ბურდული და თამარ ბელქანია.
სოფელ საჩინოს რწმუნებული ბელა კვირკვია სამეგრელოს გუბერნატორს სტიქიის შედეგებზე ესაუბრა. მოსახლეობა ნაპირსამაგრი ჯებირისა და სანიაღვრე არხის მოწყობას ითხოვს.
კომენტარები