ბოტანიკური ბაღის საზოგადოებასთან ურთიერთობის სამსახურის უფროსი, ჟურნალისტი, გია გაბრიჭიძე:
“გვარამია შეიწყალეს.
არ დაგიმალავთ და როცა გავიგე გავიფიქრე „შეიწყალეს და შეიწყალეს, ერთი მაგისიცო“ და სერიალს „Следователь Тихонов“ დავუბრუნდი, მაგრამ მერე როცა სხვადასხვა მედიასაშუალებებში, თუ სოციალურ ქსელში ერთმანეთში არეული ზოგის სიხარულის ტკრციალი და ზოგის აღშფოთება ვნახე, მშრალად შევხედე ამ „მოვლენას“.
რა მოხდება გვარამიას გამოშვების შემდეგ?
როგორც მან განაცხადა ტელევიზიის დირექტორი აღარ იქნება და თავის საქმეს გააგრძელებს, ანუ აქტიურ პოლიტიკაში ჩაერთვება და ნაციონალური მოძრაობის გაძლიერებაზე იზრუნებს.
გვარამიას შესვლა აქტიურ პოლიტიკაში საკმაოდ საინტერესო პროცესებს გამოიწვევს.
1. ნაცების „ცხოვრებაში“ მოხდება კეზერაშვილის და მერაბიშვილის ჩაჩოჩება (ხებეიშვილზე ლაპარაკიც არ არის), მაგრამ იმ რესურსით და იმიჯით რაც დღეს ნაციონალურ მოძრაობას აქვს ფაქტობრივად არაფერი არ შეიცვლება. ცხადია მომხრეები, რომლებსაც გარკვეულწილად გული ჰქონდათ აყრილი პარტიაში მიმდინარე პროცესებზე, თავიდან გააქტიურდებიან, მაგრამ ეს აღტკინება ძალიან მალე გაუვლით და პარტია დარჩება იმ ნიშნულზე, რომელზეც აქამდე იყო.
2. ოპოფლანგის იმ პარტიებს, რომლებიც მშიერი ტურებივით აკვირდებოდნენ ნაცების დანგრევას, „უპატრონოდ“ დარჩენილი ამომრჩევლის „დათრევას“ და ოპოზიციის ლიდერ ძალად წარმოჩინებას ფიქრობდნენ, ძალიან დაერხევათ. გვარამია არ არის ის ჩიტი, ეგენი აბლატაოს.
3. რაც შეეხება „ოცნებას“, მათ საკმაოდ კარგი კოზირი მიეცათ, რომლითაც დასავლეთთან უკვე მიწოლით საუბარი შეუძლიათ: ა) დეპოლარიზაციისკენ ნაბიჯი გადადგმულია. როგორც არ უნდა ვიფიქროთ პრეზიდენტი ხელისუფლებას წარმოადგენს და ამავდროულად ოპოზიციურად იქცევა. იმას, თუ როგორ იხვანცალებენ „აქტივისტები“, თუ რა სირობას იტყვის გირჩი ზურაბა დასავლეთის გავლენიანი წრეებისთვის არანაირი მნიშვნელობა არა აქვს. მთავარი ისაა, რომ ფაქტი დაიდო. ბ) როცა სხვაგან (მაგალითად უკრაინაში, ან მოლდოვაში) მედიებს ხურავენ, ფინანსურ დარღვევებზე დაპატიმრებული მედია-მენეჯერი ციხიდან გამოვიდა, ანუ ამაზე მეტი მედიათავისუფლება არ არსებობს.
მოკლედ რომ ვთქვა, ოპოებს ბევრი საფიქრალი გაუჩნდათ. „ოცნებას“ კი შეუძლია „მშვიდად დაჯდეს მდინარის ნაპირთან და დაელოდოს“.
კიდევ არის რამდენიმე ნიუანსი, მაგალითად ხატია პარტიაში დაბრუნდება დ.ა.შ. მაგრამ ეგეთი რაღაცეები იმდენად საინტერესო აღარ არის.
ეგაა და ეგ 
“
“
კომენტარები