რა ვიცით ამ დროისთვის დაკარგულ წყალქვეშა ნავზე – დეტალები

CNN-ის ცნობით, „ტიტანიკის“ დასათვალიერებლად ჩასულ წყალქვეშა ნავზე –  TITAN, რომელიც დაიკარგა, ჟანგბადის რაოდენობა კრიტიკულად მცირეა, რადგან „ტიტანიკის“ შესასწავლად ექსპედიციას ნავი დაახლოებით 96 საათისთვის სამყოფი ჟანგბადით იწყებს.

წყალქვეშა აპარატი, რომელსაც Ocean Gate-ის ექსპედიცია მართავს, 18 ივლისს, კვირა დილას დაიძრა. გემთან  კონტაქტი ექსპედიციის დაწყებიდან 1 საათსა და 45 წუთში დაკარგა.

უცნობია რატომ დაკარგა წყალქვეშა ნავმა კონტაქტი ხომალდთან და რამდენად ახლოს იყო ტიტანიკთან“.

წყალქვეშა ნავში 5 ადამიანი იმყოფება. CNN-ის ცნობით, წყალქვეშა ნავში ბრიტანელი ბიზნესმენი ჰამიშ ჰარდინგი, პაკისტანელი მილიარდერი შაჰზადა დავუდი, მისი ვაჟი სულაიმან დავუდი და ფრანგი მყვინთავი პოლ-ჰენრი ნარგეოლე და ექსპედიციის ხელმძღვანელი  Ocean Gate-ის დამფუძნებელი სტოკტონ რაში იმყოფებიან.

სამშაბათს და ოთხშაბათს დილით კანადურმა საჰაერო მოწყობილობებმა სამძებრო სამუშაოების დროს წყლიდან დარტყმის ხმები დააფიქსირეს. აშშ-ს სახმელეთო დაცვის კაპიტნის, ჯეიმი ფრედერიკის განცხადებით, გაურკვეველია, იყო თუ არა ეს ხმები დაკარგული წყალქვეშა ნავიდან.

ოფიციალური ინფორმაციით ბორტზე მყოფ ხუთ ადამიანს საკვებისა და წყლის შეზღუდული რაოდენობა აქვთ. ყოფილმა საზღვაო კაპიტანმა დევიდ მარკეტმა CNN-ს განუცხადა, რომ ამ სიღრმეზე წყალი თითქმის გაყინულია და წყალქვეშა ნავის ნაწილებიც შიგნიდან იყინება. იგი თვლის, რომ ექსპედიციის მონაწილეების ერთმანეთს იქნებიან მიკრულნი, ტემპერატურის შესანარჩუნებლად. თუმცა, მისი აზრით, მთავარი პრობლემა მაინც ჟანგბადია, რომელიც მათ ძალიან ცოტა აქვთ.

საზღვაო ტექნოლოგიების საზოგადოების წარმომადგენელმა, უილ კონენმა CNN-თან თქვა, რომ მსოფლიოში სულ 10 წყალქვეშა ნავია, რომლებსაც 12 000 ფუტის სიღრმეზე ჩასვა შეუძლია და, Ocean Gate-ის გარდა, ყველა მათგანი სერტიფიცირებულია.

CNN-ის ცნობით, Ocean Gate-ს წლების წინაც ჰქონდა უსაფრთხოებასთან დაკავშირებული პრობლემები და უწევდა ექსპედიციების გაუქმება ან გადადება.

ექსპერტ ტიმ მატლინი:

„იქ უკუნეთი სიბნელე და ყინვაა. საკუთარი თვალის წინ საკუთარი ხელიც დანახვაც კი შეუძლებელია. ერთადერთი, რითაც შეგიძლიათ გაიგოთ, სად არიან, ხმის ნავიგაცია. მაგრამ, ყველა რადარი არ მუშაობს.”

უცხოურ მედიაში რამდენიმე ვერსია ვრცელდება, სხვადასხვა პროფესიონალი პირების მიერ, თუ როგორ უნდა იქნას ნავი ამოყვანილი, ერთი ვერსიით, შესაძლოა ის ფსკერზე იყოს გაჭედილი და მისი ამოყვანა ამ შემთხვევაში გართულდება, რადგან ის საკმაოდ მძიმეა ამოსაწევად და არ არსებობს საშუალება, რომელიც წყალქვეშა ნავს მისწვდება და ამოწევს. მეორე ვერსიით, მოტივტივე მოწყობილობა, ე.წ. ასაწევი ტომარა შეიძლება იქნეს გამოყენებული და ამ გზით ამოიყვანონ ნავი, ამ შემთხვევაში, ამ ტიპის ოპერაციას დასჭირდება დისტანციურად ოპერირებული მანქანები. მესამე ვერსიით, დისტანციურად ოპერირებული მანქანებით და კაბელის მიმაგრებით შესაძლებელია ნავის ამოყვანა. თუმცა, ამ მომენტისათვის ნავის ადგილსამყოფელი უცნობია და შესაბამისად, უცნობია ისიც, რა სიღრმეზეა იგი და რა გზებით და საერთოდ მოხერხდება თუ არა მისი ამოყვანა.