ბოტანიკური ბაღის საზოგადოებასთან ურთიერთობის სამსახურის უფროსი, ჟურნალისტი, გია გაბრიჭიძე:
“დიდ ბოდიშს ვიხდი ჩემს მეგობარ კინო-რეჟისორებთან და მსახიობებთან, მაგრამ აქ უნდა დავწერო ის შეკითხვები, რომელიც ბევრჯერ დამისვამს თქვენთვის და ამომწურავი პასუხი არ მიმიღია.
არ მინდა აქ იმ თემატიკაზე, თუ ხარისხზე საუბარი, რაც კინოცენტრის ხელდასმით გადაღებულ ფილმებს ჰქონდათ.
უბრალოდ მაინტერესებს როგორც კინომოყვარულს და საშუალო დონის მაყურებელს:
– რა ფუნქციები აქვს კინოცენტრს, რომელიც თუ არ ვცდები სახელმწიფოსგან ფინანსდება?
– რა ქართული ფილმები გავიდა კინოთეატრებში ამ ბოლო წლების განმავლობაში?
– საქართველოს მოსახლეობის რამდენმა პროცენტმა ნახა კინოცენტრის ეგიდით გადაღებული ფილმები?
– რა არის ის “თავისუფლება”, რომლის შეზღუდვის წინაშეც დადგა ქართული კინო?
– რა კრიტერიუმები ჰქონდა გადასაღები ფილმების შერჩევის დროს კინოცენტრს?
არ მაინტერესებს ის წარმატებები, რომლებიც კინოცენტრის ეგიდით გადაღებულმა ფილმებმა უცხოურ ფესტივალებზე მოიპოვეს, უბრალოდ მაინტერესებს ის მიღწევები რაც კინოცენტრმა ქართველი მაყურებლისთვის გააკეთა.
ნამდვილად არ მივმართავ იმ ჟჯჯუუურრრნალისტებს, რომლებიც ლოყებს იხოკავენ “ქართული კინოს ბოლო დღეების” გამო, რადგანაც დარწმუნებული ვარ, რომ მათ ისევე აქვთ ნანახი ბოლო წლებში გადაღებული ქართული ფილმები, როგორც “მწერალ” თეონა დოლენჯაშვილის ნაწარმოებები აქვთ გადაბულბულებული.
მოდით და შეკითხვების ადრესატთა არეალს ცოტას გავაფართოებ და ვინც ამ პოსტს წაიკითხავს, იმათაც დავეკითხები.”
კომენტარები