“ამ გზის საპატრონოდ რუსეთს გამზადებული ყავს კადიროველები, ეს პროექტი სახიფათო ხდება საქართველოსთვის” – გიორგი თავდგირიძე

თადარიგის პოლკოვნიკი, გიორგი თავდგირიძე:

“საქართველო იქცევა ირან რუსეთს შორის სატრანზიტო დერეფნად. პოტენციურად, ეს დერეფანი, ასევე აძლევს რუსეთს საშუალებას ინდოეთის ოკეანის ქვეყნებთან სავაჭრო ეკონომიკური პროექტები განახორციელოს.
მაშინ როდესაც ჩვენი პოტენციური სტრატეგიული პარტნიორები ძალისხმევას არ იშურებენ ეკონომიკურად დაასუსტონ რუსეთი, ჩვენ დაუძინებელ ისტორიულ მტერს მაშველ რგოლად მოვევლინედ. ისტორიას არ ახსოვს, რომელიმე სახელმწიფო ასე ერთგულად და თავდაუზოგავად ცდილობდეს ოკუპანტის, მოწინააღმდეგის გაძლიერებას.
არსებული საკომუნიკაციო ხაზი საკმარისია იმისთვის, რომ იყოს ჰუმანიტარული დერეფანი სომხეთისთვის. მისი გაფართოება კი არ შედის საქართველოს ინტერესებში, ასუსტებს საქართველოს თავდაცვისუნარიანობას და უკიდურესად სახიფათოა ქვეყნის მომავლისთვის. რაც უფრო მეტი ეკონომიკური ინტერესი გაჩნდება რუსეთის მხრიდან ამ მაგისტრალის მიმართ, მით უფრო გააფთრებით დაიცავს რუსეთი თავის ინტერესებს და მით უფრო დიდი ალბათობაა რომ ეს სამხედრო ძალითაც გააკეთოს. ამ გზის საპატრონოდ რუსეთს გამზადებული ყავს ძალა კადიროველების სახით და ამდენად ეს პროექტი კიდე უფრო სახიფათო ხდება საქართველოსთვის.”