პოეტი, ნიკა ჩერქეზიშვილი:
“ნაძალადევის ცენტრში, მთავარ ქუჩაზე, დადიანის 26 ნომერში, არის სკვერი, რომელიც არის კერძო საკუთრება და ამავდროულად საზოგადოებრივი თავშეყრის ადგილი.
ამ სკვერში არის საშინელი (!) სიბინძურე და ანტისანიტარია.
ვიყავი მისული რამდენჯერმე, გავაკეთე ჩართვები, წერილობითი ინფორმაცია მივაწოდე ნაძალადევის რაიონის გამგეობას, თბილისის მერიას, შპს “თბილსერვის ჯგუფს”, მაგრამ ტერიტორია ისევ ნაგვით არის სავსე.
ჩემი აქტიურობის შემდეგ, ნაძალადევის რაიონის გამგეობამ ოფიციალური წერილით მიმართა კერძო მესაკუთრეს (შპს “თბილისი არტ ჰოლი”) და სთხოვა დასუფთავების სამუშაოების ყოველდღიურ რეჟიმში ჩატარება.
ამის შემდეგ ტერიტორია დასუფთავდა, მაგრამ ზედაპირულად, როგორც იტყვიან 50/50-ზე.
რეალურად სკვერს სჭირდება გენერალური დასუფთავება, რადგან სავსეა ათასი სიბინძურით და აუცილებელია, ერთხელ და სამუდამოდ, სრულად გაიწმინდოს ამ ნაგვისგან.
აქვე აუცილებლად უნდა ვთქვა მოქალაქეების ერთი ნაწილის პასუხისმგებლობაზე, რომ მათი წილი ამ ანტისანიტარიაში ძალიან დიდია.
ვისაც ნაგვის ურნამდე ვერ მიაქვს საკუთარი ნაგავი და სადაც მოუნდება, იქ ყრის.
შეგნებულ საუბარს თუ შედეგი არ მოაქვს და სხვა გზა აღარ არის, გამკაცრდეს ჯარიმები გარემოს დაბინძურებაზე, რადგან ზარალდება წესიერი ხალხი.
ყველაფერს რომ თავი დავანებოთ, სკვერის გვერდით არის 112-ე საჯარო სკოლა, მიმდებარედ არის კიდევ არაერთი სტუდია და სასწავლებელი და ბავშვებს უწევთ ამ ნაგავში ყოფნა.
P.S. ამ სტატუსს მივაბამ ფოტოებს, რათა ნახოთ, როგორ გამოიყურებოდა ტერიტორია, პროცესის დაწყებამდე.
იმედი მაქვს, მომეცემა შესაძლებლობა, რომ რამდენიმე დღეში დასუფთავებული და მოწესრიგებული სკვერის ფოტოები ავტვირთო.”
კომენტარები