უფლებადამცველი, „ვემსახურები საქართველოს“ დამაარსებელი, მარი საბიაშვილი:
„მინდა გამოვეხმაურო აღნიშნულ და მსგავს განცხადებებს. დავაფიქსირო ჩემი, როგორც რიგითი მოქალაქის აზრი. ეს ეხება არამხოლოდ ჩვენს პროფესიაში მყოფ მოქალაქეებს, არამედ ყველა სხვა პროფესიისა თუ სტატუსის მქონე მოქალაქეს.
მიმაჩნია, რომ თუ ქვეყანაში გვაქვს და გვექნება სავალდებულო სამხედრო სამსახური (ახალი კოდექსით, ეროვნული სამხედრო სამსახური), უპირველესყოვლისა, დაცული უნდა იყოს თანასწორობის პრინციპი და მიუხედავად სტატუსის, თანამდებობის, პროფესიის, “გავლენების” და ა.შ, ვალდებულება უნდა გავრცელდეს ყველაზე.
ცხადია, სახელმწიფომ ხელი აუცილებლად უნდა შეუწყოს ყველას და მისცეს განვითარების შესაძლებლობა კვალიფიკაციის, განათლების, სამსახურებრივი მდგომარეობის გათვალისწინებით, მაგრამ არ მიმაჩნია გადავადება მართებულად და ავხსნი რატომ.
ჩვენი პროფესიის ადამიანებს და არამხოლოდ (მაგ. პროკურორს, ექიმს და სხვა), სულ გვაქვს და გვექნება საქმე, შესაბამისად, სულ იარსებებს გადავადების მიზეზები. ამასობაში, გახდება პირი 27 წლის.
ვფიქრობ, რომ ნებისმიერ პროფესიაში დასაქმებული ადამიანებისთვის, უნდა იქნას შეთავაზებული ალტერნატივა, თუნდაც ზაფხულის 1 თვის გამოყენებით, ან რეზერვი ან რამე მსგავსი (მაგალითად, როგორც ეს სტუდენტების შემთხვევაშია ახალი კოდექსით).
გადავადების შესაძლებლობის გაზრდით, ვერ უზრუნველყოფთ თანასწორობის დაცვას, რასაც არ მივესალმები. რა პრობლემაა წელიწადში 1 თვე მსახურება ვინმესთვის ? დასასვენებლად ხომ დავდივართ და ვახერხებთ ხოლმე 
კიდევ ერთხელ ვიმეორებ:- თუ ქვეყანაში იარსებებს ეროვნული სამხედრო სამსახური (სავალდებულო), ის უნდა ეხებოდეს ყველას და არ მივესალმები პრივილეგიებს (არც თანამდებობის პირების შვილებისას სხვათაშორის).
გადავადებით, მივიღებთ იგივეს, რაც აქამდე იყო და ხდებოდა.“
კომენტარები