ნაციონალური მოძრაობის ყოფილი თავმჯდომარე, ნიკა მელია, გადაცემაში, რეაქცია, პასუხობს, ჟურნალისტ ინგა გრიგოლიას კითხვებს და საუბრობს ნაციონალურ მოძრაობასა და პარტიაში ჩატარებულ თავმჯდომარეობის არჩევნებზე.
ნიკა მელია:
–დემოკრატიული წესით ჩატარდა არჩევნები, მაგრამ ვერ ვიტყვი, რომ პროცესი იყო დემოკრატიული – ფულის შრიალი, ფარული ჩანაწერი, ცილისწამება, ეს იყო დაგეგმილი სპეცოპერაცია, ეს იყო პარტიული გადატრიალება. მიუხედავად ამ ყველაფრისა, დიახაც, საკუთარ თავში ძალა ვიპოვე, ჩავატარე ბრიფინგი და გამარჯვებულს მივულოცე და ვუსურვე პარტია ემართა სიმართლითა და ღირსებით. კიდევ იყო დიდი შანსი, ეს დაშორიშორებული პოზიციები დაახლოებულიყო. ბევრს ჰგონია, რით ვერ გადაიტანა ნიკა მელიამ არჩვენებში მარცხი, სინამდვილეში არჩევნებიდან 5 დღეში ეს მოხდა, ჩატარდა პოლიტიკური ყრილობა, მალულად, ფარულად, მიიღეს არაფორმალური გადაწყვეტილება და დემოკრატიული წესით არჩეულმა, რაღაცა ახალმა გუნდმა, იგნორირება მოახდინა ნახევარი პოლიტიკური პარტიისა. სულ სხვა რამ მოხდა. მოულოდნელად, საკუთარი მხრადამჭერების ჩართულობით გაყარეს პარტიის აქტიური წარმომადგენლების ნახევარი – მეც, ადამიანი, რომელიც 11 წელი ვიყავი და ვარ ბრძოლაში, გამომაგდეს. ეს იყო უნებლიე შეცდომა? ეს იყო განზრახ გადადგმული ნაბიჯი. ხაბეიშვილს კეზერაშვილმა და მერაბიშვილმა მისცა ეს დავალება და მან შეასრულა ნოტარიუსის ფუნქცია. აქ გაჩნდა კრიზისი – წყარო კრიზისის გაღრმავდა და ეს ყველაფერი ხდება წინა დღით, სანამ მიხეილ სააკაშვილის თაობაზე გადაწყვეტილებას გამოიტანდა მურუსიძის სასამართლო. ქართულმა ოცნებამ დროში გადადო ამ გადაწყვეტილების გამოცხადება, გვაცადა, სანამ შიგნით ერთმანეთს ჩავხოცავდით, არჩევნები ჩაატარებია იმას, ვინც მოითხოვა, მერე ყრილობა გააქმებია… ორი დიდი ჯგუფი ერთმანეთს მოწყდა და ორშაბათ დღეს გამოაცხადეს სააკაშვილზე გადაწყვეტილება და 40–დე ადამიანი აპროტესტებდა.
ინგა გრიგოლია:
–ქართულმა ოცნებამ გააკეთებინა ეს? ამას ფიქრობთ?
ნიკა მელია:
–ქართულმა ოცნებამ ისარგებლა, მე პოლიტიკაში არ მჯერა შემთხვევითობის, ამდენი დამთხვევის. პირველი შემთხვევა იყო არჩევნების მოთხოვნის, მეორე, როცა გახლიჩეს პარტია. უშუალოდ განაჩენის გამოცხადების წინა დღეს ნახევარი გუნდი გაყარა პარტიიდან და ახლა მესამე, როდესაც რამდენიმე კვირაში ველოდებით სტრასბურგის გადაწყვეტილებას სააკაშვილის საქმეზე, ახლა კიდევ მოიფიქრეს არჩევნები. საგანგებო მდგომარეობის დროს, არჩევნებს არავინ ატარებს.
ინგა გრიგოლია:
–ქართული ოცნების თამაშს თამაშობენ, არაფორმალური მმართველები შეკრულები არიან? ვანო მერაბიშვილი შეკრულია ოცნებასთან?
ნიკა მელია:
–ფაქტია, ის რაც ნაციონალურ მოზრტაობაში ხდება, აწყობდა ქართულ ოცნებას. თითქოს მათ აქვთ გამოსავალი უებარი, სააკაშვილის დახსნის, მე ამას არ ვაკეთებ და ამისათვის მნიშვნელოვანია ნიკა მელიას მოშორება ამ ფორმით. და დღეს რას ვხედავთ? და აი, ამ პერიოდში, მიხეილ სააკაშვილის საკითხმა გადაიწია მეორე და მესამე პლანზე.
კომენტარები