“აი, ასე, რეგულარულად და მეთოდურად გვართმევს ევროპა ქრისტიანობას!” – რა ფოტოს აქვეყნებს ზაალ კოკაია

მალმოში, ლუნდიდან 20 კილომეტრში, საკმაოდ დიდი და რეგულარულად მოქმედი სერბული მართლმადიდებლური ეკლესიაა. ამისდა მიუხედავად, 200 კილომეტრის დაშორებით მდებარე შვედური მართლმადიდებლური ეკლესიის მოძღვარი წელიწადში 4-5 ჯერ ჩამოდის ლუნდში და ატარებს მართლმადიდებლურ წირვას. არ იკითხავთ რამდენი ადამიანი ესწრება? მხოლოდ 10-15 და ამ მცირე მრევლისთვის, შვედური პროტესტანტული ეკლესია უთმობს მოძღვარს ტაძარს, და მართლმადიდებლური წირვა ტარდება სრულფასოვნად. უფრო მეტიც, შვედმა მოძღვარმა მუდმივად ცვალებადი მრავალფეროვანი მრევლის ყველა წევრის სახელი იცის და სააღდგომო წირვაზე ჩვენ ყოველთვის ქართულად მოგვმართავს „ქრისტე აღსდგა!“

აი ასე, რეგულარულად და მეთოდურად გვართმევს ევროპა ქრისტიანობას!

ფოტო: მამა მატვეი, ნათლობა.”