სამოქალაოქ აქტივისტი, ირაკლი ჯანყარაშვილი:
“ჩვენ შეგვიძლია გვქონდეს ისეთი სოფლის მეურნეობა, რომელიც რეგიონში მოწინავე იქნება, აქვს ჩვენს ქვეყანას ამის შესაძლებლობა!…
შეგვიძლია განათლების ხარისხი ისეთ დონეზე ავიყვანოთ, რომ საუკეთესო პროფესიონალები გავზარდოთ ყველა სფეროში!…
შეგვიძლია რეგიონში ისეთი პოლიტიკა გავატაროთ, რომელიც შესაძლებლობას მოგვცემს ჩვენი სტრატეგიული მდებარეობა სრულად მოვარგოთ ჩვენს ინტერესებს!…
შეგვიძლია კორუფციას ისე ვებრძოლოთ, რომ საბოლოოდ აღმოვფხრათ.
სასამართლო სისტემის შექმნაც შეგვიძლია, რომელიც არავის დაუკარგავს სამართალს!…
რაც მთავარია, გვაქვს შესაძლებლობა ქვეყანაში არ გვყავდეს სოციალურად დაუცველი ოჯახები, ხოლო დემოგრაფიული ფონის გაუმჯობესებისთვის წავახალისოთ მრავალშვილიანი ოჯახები. შეგვიძლია, სკოლებში უფასოდ გამოვკვებოთ ბავშვები, შეგვიძლია, მრეწველობა განვავითაროთ, ფსონი სახელმწიფოს ინდუსტრიალიზაციაზე (მწარმოებელი ქვეყან გავხდეთ) დავდოთ და ამავდროულად ტურისტული სექტოროც განვავითაროთ. ორივე სექტორისთვის საჭირო რესურსებს სრულად პასუხობს საქართველოს გეოგრაფიული მდებარებოა, ქართველი ხალხის ხასიათი და თქვენ წარმოიდგინეთ “კლიმატიც”, ინდუსტრიისთვის კი წიაღისეულის საკმარისზე მეტი რაოდენობა გაგვაჩნია!…
შეგვიძლია დეოკუპაციის გზაზე ნამდვილი და სახელმწიფოს ინტერესებისთვის საჭირო ნაბიჯებიც გადავდგათ!… აქვე სამართლიანობის აღდგენაც შეგვიძლია, ხელისუფლებას ამის ლეგიტიმაციაც და საჭირო ინსტრუმენტიც გააჩნია!…
ეს და კიდევ ძალიან ბევრი რამ შეგვიძლია!…
მაგრამ რას ვაკეთებთ ამის ნაცვლად ??? ვანგრევთ ქართულ სოფელს, გლეხს ქალაქში მოვერეკებით, ახალგაზრდობა უცხოეთში გავაქციეთ!…
ტურისტული სექტორი გაურკვევლად დგას ერთ ადგილას და ვერ გაარკვია, სტუმრის რა სეგმენტზე გააკეთოს აქცენტი!…
ამას კოლოსალური საშემოსავლო და ბანკების მიერ სასტუმროების მფლობელების “ძარცვა – გლეჯვაც” ემატება!…
დეოკუპაციის რეალური გზების ძებნის ნაცვლად, ერთმანეთს ეჯიბრებიან ვინ უფრო მეტ “სელფს” გადაიღებს შარლ მიშელთან თუ ორსულა ფონ დერ ლაიენთან!…
ინდუსტრია არ არსებობს, წიაღისეულს” თაღლითი კომპანიები არიან დაუფლებული.
განათლება საქართველოში “კომერციულ ბიზნესად” არის გადაქცეული და ქვეყანაში 50 – ათასი სტატუსშეჩერებული სტუდენტი გვყავს!…
სოციალური პოლიტიკა ფსკერს ქვემოთ არის, ქვეყანაში 600 – ათასი “სოც-დაუცველი” გვყავს!…
სკოლებში მშობლები ე:წ ბუფეტის “ნისების რვეულში დაგროვილ ვალებს ვეღარ აუდიან”!…
ეკონომიკის გაძლიერების ნაცვლად, “ბანკები და მევახშეები ძლიერდებიან”!…
სასამართლო სისტემა “ნაფტალინიდან ამოღებულ მურისიძეებს ჩააბარეს”!…
“სააკაშვილის რეჟიმის დამნაშავეებს” ისევ სლოგან – ლოზუნგებით ებრძვიან!…
და ბოლოს კი ვინმემ იქნებ მაჩვენოთ სხვა საქართველო სად არის ?”
კომენტარები