ნატოს გენერალურმა მდივანმა იენს სტოლტენბერგმა ფინეთის პრეზიდენტთან, საული ნიინისტოსთან ნატოში ფინეთი გაწევრიანებასთან დაკავშირებით გამართულ ბრიფინგზე განაცხადა:
“განსაკუთრებული პატივია, რომ ამ ისტორიულ დღეს ნატოს 31-ე წევრს მივესალმოთ. რამდენიმე წუთში ფინეთის დროშას პირველად აღვმართავთ ალიანსის შტაბ -ბინასთან. დღეიდან 31 დროშა ერთად იფრიალებს სოლიდარობის ნიშნად.
ეს კარგია ფინეთის, ჩრდილოეთის უსაფრთხოებისთვის, მთლიანად ნატოსთვის. ფინეთს მნიშვნელოვანი და ბევრი შესაძლებლობის მქონე [შეიარაღებული] ძალები ჰყავს, დიდი გამოცდილებით. ძალიან ამაყი ვარ მივესალმო ფინეთს, როგორც სრულფასოვან წევრს. ასევე, იმედი მაქვს, რომ მალე შვედეთსაც მივესალმებით.
ფინეთს ახლა ყველაზე ძლიერი მეგობრები ჰყავს. პუტინს სურდა, რომ ნატოს კარი დაკეტილიყო. მან წარუმატებლობა განიცადა, ნახა, რომ აგრესია და დაშინება არ მუშაობს. ნაკლები ნატო სურდა, მაგრამ მეტი ნატო მიიღო.
ძვირფასო საული [ნიინისტო], მადლობა თქვენი ლიდერობისთვის. მადლობა, რომ წინ გაუძეხით ფინეთს ყველაზე წარმატებულ ალიანსში,” – განაცხადა სტოლტენბერგმა.
კომენტარები