აპლიკაცია, რომელიც მის მომხმარებლებს გააფრთხილებს იმ შემთხვევაში თუ კონტაქტი ჰქონდათ კორონავირუსით ინფიცირებულ პირთან ქართველი მოსახლეობისთვის გუშინ გახდა ხელმისაწვდომი და მხოლოდ 24 საათში 151 357-მა მომხარებელმა გადმოწერა. აქედან 92 040 არის ანდროიდის, ხოლო 59 317 iOS სისტემის მომხმარებელი.
აპლიკაცია მის მომხმარებლებს შორის განსაზღვრავს სარისკო კონტაქტებს. სარისკო კონტაქტად ითვლება თუ 2 პირს შორის ინტერაქცია გრძელდება 10 წუთზე დიდხანს და მათ შორის დისტანცია არის 2 მეტრზე ნაკლები. აღნიშნულ ინფორმაციას აპლიკაცია სრულიად ანონიმურად იმახსოვრებს და იმ შემთხვევაში თუ რომელიმე პირს, ოფიციალური ტესტირების შედეგად დაუდასტურდება ვირუსი ხდება მისი კონტაქტების გაფრთხილება.
აპლიკაცია გადმოწერის შემდეგ არ საჭიროების მობილურის ნომრის მითითებას. მობილურის ნომერი მომხმარებელს შეჰყავს მხოლოდ იმ შემთხვევაში თუ ლაბორატორიულად დაუდასტურდა COVID-19. მობილურის ნომრის შეყვანით, მოხდება მისი ინფიცირების სტატუსის გადამოწმება შესაბამის ბაზაში, ცრუ შეტყობინების თავიდან აცილების მიზნით და იმ შემთხვევაში თუ ინფიცირება ბაზაში დასტურდება, იმ პირებს, ვინც მასთან იმყოფებოდნენ სარისკო კონტაქტში დაეგზავნებათ გაფრთხილება.
თუმცა, ამ ეტაპზე ჯერ უცნობია, როგორ ამოიცნობს კონტაქტს აპლიკაცია, თუ არ ეცოდინება მისი მონაცემი და თუ ვერ დაინახავს მის მობილურის ნომერს ან კომუნიკაციისთვის საჭირო სხვა მონაცემს – თუ მხოლოდ დროს და ლოკაციას დაიმახსოვრებს – მხოლოდ ინფიცირებულის მეხსიერებაზე იქნება დამოკიდებული კონტაქტის დადგენა.
აპლიკაციას სჭირდება წვდომა ბლუთუზსა და ლოკაციაზე. ზოგიერთი ანდროიდის ვერსიაზე კი აპლიკაცია, დამატებით ითხოვს წვდომას მიკროფონზე, თუმცა, როგორც აცხადებენ, მას არ აქვს უფლება ჩაიწეროს ან გადასცეს აუდიო შეტყობინება.
როგორც ამბობენ, მიკროფონზე წვდომა საჭიროა, რადგან ანდროიდის ვერსია იყენებს Android Nearby ტექნოლოგიას, ორ სმარტფონს შორის მანძილის დასადგენად. ეს სერვისი იყენებს ულტრაბგერით სიხშირის ტალღებს, რისთვისაც ზოგიერთ შემთხვევაში საჭიროა მიკროფონზე წვდომა. მიკროფონის გამოყენება ხდება ულტრაბგერების (ყურისთვის შეუმჩნეველი სიხშირის ტალღა) აღსაქმელად, რათა მოხდეს მოწყობილობებს შორის მანძილის დადგენა.
წყარო – მშობლები
კომენტარები