“ეს სამოქალაქო საზოგადოებაა, სულელო!” – გერმანელი დიპლომატი

გერმანიის ბუნდესტაგის საგარეო ურთიერთობათა კომიტეტის თავმჯდომარე, მაიკლ როთი საქართველოს პარლამენტს მოუწოდებს:

“ეს სამოქალაქო საზოგადოებაა, სულელო! ძალიან შეშფოთებულები ვართ  უცხოური აგენტების ინიცირებული კანონპროექტით საქართველოში. ეს არის თავდასხმა დემოკრატიაზე და თავისუფლებაზე, მიზანმიმართული საჩუქარი რუსეთისთვის და პირდაპირი გამოწვევა ქართველი ხალხის ევროკავშირის არჩევანისთვის. არ გადაკვეთო წითელი ხაზი, ძვირფასო საქართველოს პარლამენტო”, – წერს გერმანელი დეპუტატი Twitter-ზე. 

შეგახსენებთ, რომ დღეს პარლამენტის ბიუროს სხდომაზე “ქართული ოცნების” რუსული კანონი გავიდა. როგორც ბიუროზე გადაწყდა, პლენარულ სხდომაზე კანონპროექტს ხუთშაბათს, 9 მარტს განიხილავენ.

პარალელურად, პარლამენტის მიმდებარე ტერიტორიაზე კანონპროექტის საწინააღმდეგო აქცია მიმდინარეობს.