“პუტინის ლაქია კობახიძე იმსახურებს იყოს დასასანქცირებელთა სიაში” – ხაბეიშვილი

“ნაციონალური მოძრაობის” თავმჯდომარემ, ლევან ხაბეიშვილმა საგანგებო ბრიფინგი გამართა და განაცხადა:

“ქართველი პოლიტიკოსის ცხოვრების მისია უნდა იყოს, გააკეთოს ყველაფერი, რომ იცხოვროს გაერთიანებულ საქართველოში… რა უნდა მოხდეს, რომ საქართველო გახდეს ერთიანი? პასუხი  მარტივია – რუსეთი უნდა დამარცხდეს უკრაინაში… რუსეთი მარცხდება უკრაინაში. მარცხდება იმიტომ, რომ რუსეთის ეკონომიკა არის ცივილიზებული სამყაროს ეკონომიკის 2% და მას უპირისპირდება სრულიად ცივილიზებული სამყარო. მარცხდება იმიტომ, რომ განვითარებული სამყაროსთვის რუსეთის დამარცხება ისეთივე მნიშვნელოვანია, როგორც უკრაინისთვის. მარცხდება გმირი უკრაინელი ხალხისა და მათ შორის გმირი ქართველი მებრძოლების თავგანწირვით.  რუსეთმა დატოვა კიევის, ჩერნიგოვის, ხაროვის, სუმის ოლქები, დატოვეს ხერსონი ლიმანი იზიუმი და ბოლო რუსი ჯარისკაცი აუცილებლად დატოვებს უკარიანს. რუსეთის დამარცხება გარდაუვალია.

მივმართავ ირაკლი კობახიძეს, რუსეთი ობიექტურად მარცხდება უკრაინაში და მხოლოდ ბუნებით პუტინის მხარდამჭერი უშვებს, რომ ბოროტება გაიმარჯვებს და სიკეთე დამარცხდება. მას შეუძლია, უარი თქვას ქართველობაზე და არ გულშემატკივრობდეს უკრაინას, მაგრამ უნდა იცოდეს, რომ ქართველი ხალხის უმრავკლესობა მიისწრაფვის სიკეთის გამარჯვებისკენ და მისი ქვეყნის გაერთიანებისკენ… პუტინის ლაქია, მსახური, კობახიძე იმსახურებს იყოს მარგარიტა სიმონიანის, სალავიოვის გვერდით და ისიც მოხვდეს დასასანქცირებელთა სიაში, როგორც მთავარი რუსეთუმე, პუტინისტი საქართველოში”