“ხვალ ხაბეიშვილი მრავალ წაგებას ერთ წაგებაში გაგიერთიანებს და გაგიშვებს თავმჯდომარეობიდან…” – თამარ ბუჩუკური

ჟურნალისტი, თამარ ბუჩუკური:

“ძალიან უნდა თავმჯდომარეობა ? მითხრეს, ახლა ხან აითიშნიკებს აწყდება, ხან – ქართული ოცნების მხარდამჭერების ბაზას, არ უნდა წავაგოთო, რიხიანად გასძახა ნუგზარ წიკლაურს და ქეთი ბუკიას სახელობის ჩატის ქალებსო :/

არ უნდა წააგო კი არა, ნიკანორ მელია, მიშას პარტიის თავმჯდომარევ, მესამე პრეზიდენტის მხარდამჭერებისთვის იმ დღეს წააგე, როცა მიშას ერთი ძმა, დათო სააკაშვილი გიორგი მუმლაძის გვერდით დადგა. მეორედ მაშინ წააგე, როცა პრეზიდენტის მეორე ძმა, გიორგი სააკაშვილი ლევან ხაბეიშვილის აქციაზე მივიდა მაშინ, როცა ხიდზე მივიდნენ შენიანები! განმეორებით, წააგე, როცა ნიკოლოზ სააკაშვილმა TV პირველის ეთერში, შენი შპანის გაჟღერებულ ბრალდებას ვანო მერაბიშვილის მიმართ, უპასუხა – “როგორ ბედავთ, ვანო მერაბიშვილზე კითხვის დასმას, ჩემი შვილის მეგობარიაო…” მერე უკვე, აღარც კი ვიცი, მერამდენედ წააგე, როცა გიული ალასანიამ შენს შპანას ფაქტობრივად, სპეკულიანტები Spiegel-ის სტატიის უბადრუკი გამოყენების მცდელობისთვის უწოდა… შიგა და შიგ კიდევ რამდენჯერ წააგე, სამარცხვინო განცხადებებით, ქმედებებით… მაშინ, წააგე, როცა შვილები “ვივა მედიდან” მამის უნახავად უკან გაუშვეს… მაშინაც წააგე, როცა სააკაშვილის მხარდამჭერი აქცია უკრაინიდან შენი პასიურობის გამო დაგეგმეს. მაშინაც წააგე, როცა ომში მყოფი ქვეყნის ჟურნალისტმა მთავრობასთან გარიგებული გიწოდა. მაშინაც წააგე, როცა ოლიგარქის ნაცვლად, შენი ყოფილი დამფინანსებელი, დაბოღმილ გულზე “ოლიგარქად” მონათლე… კიდევ ერთხელ მაშინ წააგე, როცა ღრმად მოხუცი მამა თაკო ჩარკვიანთან საბრძოლველად გამოიყვანე… როცა ერთ დროს, თანამებროლებს ამბოხებულები ეძახე, მაშინაც წააგე.

წაგებული ხარ ნიკანორ, მრავალგზის წაგებული… ხვალ, ლევან ხაბეიშვილი შენს მრავალ ამ წაგებას ერთ წაგებაში გაგიერთიანებს და დამსახურებულად გაგიშვებს თავმჯდომარეობიდან… ცოტა ოდენი ღირსება შერჩენილი კაცი, ამ ყველაფერზე პასუხისმგებლობას აიღებდა, განზე გაიწეოდა და გზას ცვლილებებს ნებით დაუთმობდა… მერე ამ წაგებებს მაგრად ინანებდა…”