“რევოლიციური ცვლილებებია საჭირო, ევროპელი პარტნიორები ელოდებიან ჩვენგან მოქმედებას” – ხაბეიშვილი

“ნაციონალური მოძრაობის” თავმჯდომარეობის კანდიდატმა, ლევან ხაბეიშვილმა “ტვ პირველის” ეთერში, გადაცემა “რეაქციაში” ჩამოთვალა, რას გააკეთებს პირველ რიგში, თუ პარტიის თავმჯდომარე გახდა.

ლევან ხაბეიშვილი:

-პირველი რაც მოხდება, მიშას გათავისუფლების ოფისები გაიხსნება ყველა რაიონში, მეორე – კოალიციის გავაკეთებ ქართველ ხალხთან და არ ვივლი კაბინეტ-კაბინე და მესამე, არ ვაპირებ, ადამიანები ქალაქ-ქალაქ სასეირნოდ ჩავიყვანო. არ ვაპირებ, რომ პირველივე ბარიკადი, იქნება ასეთი წინააღმდეგობები და ხელები ჩამოვუშვა და ვთქვა, ამას ვერ გავაკეთებთ, კანონს ვერ დავარღვევთ. ხელისუფლება უკვე კანონგარეშეა, “რუსულ ოცნებას” ღია მხარდაჭერა აქვს გამოცხადებული რუსეთისთვის. ევროპელი პარტნიორები ელოდებიან ჩვენგან მოქმედებას და გაოგნებულები არიან, რომ ხელისუფლება მხარს უჭერს რუსეთს, და როცა ხელისუფლება ფაქტობრივად კანონგარეშეა, როცა ოლიგარქიზაციაზეა საუბარი და ევროკავშირსა და ჩვენს შორის დგას ივანიშვილი, მგონია, რომ ყველა მოქმედება ჩვენი მხრიდან იქნება ლეგიტიმური და მე არ ვაპირებ, ფიზიკურად დავიხიო რამეზე უკან და ბარიკადი, რომელიც ჩვენ წინ იქნება არ გადავლახო

ინგა გრიგოლია:

-შევარდებით და ფიზიკურად გამოიხსნით სააკაშვილს?

ლევან ხაბეიშვილი:

-ხო, თუ საჭირო გახდება ამასაც გავაკეთებთ, ნუ გგონიათ, რომ ან ამაზე არ წავალთ, ან ამას არ გავაკეთებთ. აქ საუბარია მიშა სააკაშვილის ბედსა და ჩვენი ქვეყნის მომავალზე. პრეზიდენტის მკვლელებს ევროკავშირში არ მიიღებენ. ევროკავშირში თუ გვინდა შევიდეთ, ბიძინა ივანიშვილის პირობებში, რუტინული არჩევნებით ყოველთვის დაგვამარცხებენ.

ინგა გრიგოლია:

-ანუ რევოლუცია უნდა მოხდეს?

ლევან ხაბეიშვილი:

-კი, ოღონდ პოზიტიური, რევოლიციური ცვლილებებია საჭირო, რევოლუციურად სწრაფად. დღეს რომ ოზურგეთის საკრებულოში განიხილავდნენ ბიუჯეტის საკითხს- თალაკვაძემ 1 წელიწადში ორჯერ მოიმატა ხელფასი და 5500 ლარი გაუხდა ანაზღაურება და 25 ლარი დაუნიშნეს სოციალურად დაუცველს, ვისაც ოთხი შვილი ჰყავს. აი, ამას სჭირდება რევოლუციური ცვლილებები, 25 ლარსა და 5500 ლარს შორის სხვაობა უნდა შეიცვალოს რევოლუციურად, ეს სიტყვა საერთო არ არის საშიში, ამ ქვეყანას სჭირდება რევოლიციური ცვლილებები. ხალხს დააბრალო რომ არ გამოდის, ეგ არის ტყუილი და უმოქმედო პოლიტიკოსების მოგონილი, თორემ  ასიათასობით ჩვენი თანამოქალაქე ვნახე რუსთაველზე რამდენჯერმე და ამას სჭირდებოდა გამოყენება. ლატინინას და პოდოლიაკის ინტერვიუში, ჟურნალისტი პირდაპირ ამბობდა, მიშა სააკაშვილის პარტიის თავმჯდომარე არაფერს არ აკეთებს ხელისუფლების ცვლილებისთვის და სააკაშვილის თავისუფლებისთვისო, ჩემი აზრით, ეს არის სერიოზული პრობლემა. ქვეყნის გარეთაც მნიშვნელოვანია რას აკეთებს მიშას პარტია მიშასთვის. რაც შემიძლია დავპირდე ამომრჩეველს არის ის, რომ ვიბრძოლებთ გამარჯვებამდე. პარტიის თავმჯდომარეობას ვუყურებ დროებით მოვლენად, სანამ მიხეილ სააკაშვილი არის ციხეში.

ინგა გრიგოლია:

-და თუ საჭირო გახდება ფიზიკურად გამოიხსნით? შევარდებით?

ლევან ხაბეიშვილი:

-თუ საჭირო გახდა, პირდაპირ გეუბნებით, მე ლევან ხაბეიშვილი არ ვაპირებ უკან დავიხიო, მათ შორის, ფიზიკურ წინააღმდეგობაში, იმიტომ რომ რუსული ოცნების პირობებში, სხვანაირად არ გამოვა.