ნაციონალური მოძრაობის თავმჯდომარეობის კანდიდატი, ლევან ხაბეიშვილი, “ტვ პირველთან” პასუხობს ინგა გრიგოლიას კითხვებს და ამბობს, რომ ლევან ვარშალომიძე “აჭარიდან პრაქტიკულად მოკვეთა და მთავარ მტრად გამოაცხადა” ნიკა მელიამ. შეგახსენებთ, დღეს ნიკა მელიამ, გამარჯვების შემთხვევაში, გიორგი კირთაძე, ბათუმის მერობის კანდიდატი დაასახელა გენერალურ მდივნად.
ინგა გრიგოლია:
-გიორგი კირთაძის შედეგი იყო მისი შედეგი და არა ვარშალომიძის.
ლევან ხაბეიშვილი:
-ჩემი კოლეგისგან მოვისმინე, ნიკა მელიამ მოიგო 2021 წელს დიდი ქალაქებიო და არჩევნები მოიგო მიშა სააკაშვილის ჩამოსვლამ. ვიღაცისთვის შეიძლება საკამათო იყოს, ღმერთმა გაუმარჯოს იმ ფლანგს, რომელიც ფიქრობს რომ ნიკა მელიამ მოიგო ბათუმი, თელავი და ა.შ.
ინგა გრიგოლია:
-სტრატეგიამ დადო შედეგები, რა სტრატეგიითაც გავიდა ოპოზიცია არჩევნებზე.
ლევან ხაბეიშვილი:
-მე გეუბნებით, ამ არჩევნებში ეს დიდი შედეგი დაფიქსირდა პრეზიდენტ სააკაშვილის თავგანწირვის აქტით.
ინგა გრიგოლია:
-ჩემი აზრით კი, სტრატეგია რომელიც მაშინ შემოგვთავაზა ოპოზიციამ, თუნდაც თბილისის, ქუთაისის მაგალითით, მელია, ხაზარაძე, ლაკა, ჯაფარიძე, კოალიციამ დარაზმა მაშინ…
ლევან ხაბეიშვილი:
ეგ არის თქვენი პოზიცია, მე მიაჩნია, რომ ეს არც ხაზარაძის დამსახურება იყო არც სხვა პოლიტიკური პარტიების, ეს იყო მიშას დამსახურება.
კომენტარები