“ხაბეიშვილი ნახევარ საათში მე დავითანხმე და ვიღაცამ უფრო მომგებიანი წინადადება რომ შესთავაზოს…” – ნიკა მელია

ნაციონალური მოძრაობის თავმჯდომარე, ნიკა მელია, “ტვ პირველთან”, ჟურნალისტ ინგა გრიგოლიას კითხვებს პასუხობს და ამბობს, რომ ლევან ხაბეიშვილის უკან ვანო მერაბიშვილი და დავით კეზერაშვილი დგანან.

ინგა გრიგოლია:

–მერაბიშვილი სიტუაციას მოაჯდა? ხაბეიშვილი კონკურენტად დაგიყენათ კეზერაშვილმა და ვანომ ისარგებლა?

ნიკა მელია:

–ვანო მერაბიშვილი 2020 წლიდან არის ამ პროცესში ჩართული და რა უნდა თავადაც არ იცის. დამდგარიყო კანდიდატად თვითონ, მართლა რატომ ჩააყენეს ამ სიტუაციაში ლევან ხაბეიშვილი? იმიტომ ჩააყენეს რომ იფიქრეს, ყველაფერს იკადრებს, ყველაფერს იტყვის, ამ ადამიანზე ბევრს ვერაფერს ვილაპარაკებ… პარტიაში წამყვან პოლიტიკურ ფიგურად მოყვანა ადამიანის, არის გარკვეულ სირთულეებთან დაკავშირებული და პარტიიდან წასული ადამიანის მობრუნება, ძალიან რთული ამოცანა იყო და მე ყველაფერი გავაკეთე, 2016 წელს, რომ ლევან ხაბეიშვილი, მე პირადად, მე, მხოლოდ და მხოლოდ მე, როდესაც იგი იყო გიორგი ვაშაძის პარტიაში და ამბობდა, რომ ნაციონალური მოძრაობა განწირულია, არაფერი არ ეშველება, ბოდიში და ერთი ნაგავია, ვხედავდი რომ არის აქტიური, დავურეკე, შევხვდი, შევთავაზე საკრებულოს სიაში ჩაწერა, ნახევარ საათში დამთანხმდა. პრობლემები მერე დამეწყო პარტიაში, როდესაც თბილისის რაიონული ორგანიზაცია ვერ დავარწმუნე, რომ უნდა მიგვეღო ლევან ხაბეიშვილი. ახლა რომ ვაანალიზებ, არ მიკვირს, რასაც მიკეთებს და აკეთებინებენ, ნახევარ საათში მე დავითანხმე, წამოდი გიორგი ვაშაძის პარტიიდან მეთქი და დამთანხმდა და ვიღაცამ უფრო… ვიღაცამ უფრო მომგებიანი წინდადებები რომ შესთავაზოს… შეიძლება ვანო მერაბიშვილს და დათო კეზერაშვილს შეეთავაზებინა… და ადამიანს ვერ ვცნობ…

“ყველაფერი დაგეგმეს მერაბიშვილმა და კეზერაშვილმა – მე მიპირისპირდება ის ცუდი…” – ნიკა მელია