“მადლობის” წერილი ილია ჯიშკარიანს! – ანა კოლ–შიმშილაშვილი

ეს გოგონა კი ჩემი საუკეთესო თბილი, უსაყვარლესი უმცროსი მეგობარია: თამთა თოდაძე

მადლობა ილია ჯიშკარიანს!

მადლობა შენ რომ ამ პატარა, უმწეო, სუსტი არსებისგან საქართველოს გამოუზარდე უძლიერესი ქალთა ლიდერი!

მადლობა შენ რომ ჩემი ციცინათელა, მუდამ მომღიმარე გოგო დღეს ასწავლის სხვა ქალებს – როგორი უნდა იყოს ქალი!

მადლობა შენ რომ გამოამჟღავნე შენი და შენნაირების ნამდვილი სახე!

მადლობა შენ რომ გამოამჟღავნე თავად მოძალადე შვილების გამზრდელ ქალთა სახე!

შენ გგონია არ გიცნობ, ჯიშკარიანი , მაგრამ ვიცნობ თამთას, ამიტომ გიცნობ შენც!

ჯიშკარიანი, ჩემმა მეგობრებმა ნახეს საკუთარი თვალით შენი ნაცემი თამთა, შენი დასახიჩრებული თამთა, შენი დასისხლიანებული თამთა!!!

ნახეს ჩემმა მეგობრებმა!

რა იყო, ჯიშკარიანი, არ იცი რას ნიშნავს “არა”?

სხეულზე ჭრილობები შეუხორცდა, მაგრამ აი, მისი სულის ჭრილობები არასდროს არ შეხორცდება, არც ჩემი, არც მისი მეგობრების და არც ქალების, სანამ მოძალადე გამართლებული იქნება!

გამართლებული? არა და ყველამ ვიცით რომ დამნაშავეა! ყველამ!! მთელმა საქართველომ!..

მაგრამ სამარცხვინო სასამართლომ გაამართლა!

იმ დღის შემდეგ ძალიან გაიზარდა თამთა, ძალიან!!

ვიცი , ბევრი კეთილისმსურველი გამომიჩნდება პირად ჩატში, როგორც წარსულში არაერთხელ, ვინც მეტყვის ავიღო პოსტი, მაგრამ არ ავიღებ, წინასწარ გეუბნებით!

ბევრი თამთა საქართველოს!

და ვინაა ჩემს თვალში ჯიშკარიანის დამცავი ადვოკატი ქალი?

თავად ძალადობის მსხვერპლი, რომელიც იგივე მენტალიტეტით გაზრდის მოძალადე შვილებს!

ვინ არიან ქალები, რომლებიც ამბობენ: “თუ ქალმა სიგნალი არ მისცა” კაცი არაფერს იზამს? – ისინი არიან თავად ძალადობის მსხვერპლი ქალები, რომლებმაც არ იციან თუნდაც საკუთარ ქმრებს უთხრან არა!

ფურთხის ღირსია ის სასამართლო, სადაც მოძალადე გამართლებულია! ფურთხის ღირსია ის მოსამართლე, მით უმეტეს ქალი , ვის მიერ მოძალადე გამართლებულია!

სირცხვილია! სირცხვილი!

თამთა არ გაჩერდება!

თამთას ჰააგის სასამართლო გაამართლებს და ეს უკვე იქნება ქვეყნის დიდი სირცხვილი!

მსოფლიო გაიცნობს ქვეყანას, სადაც ქალებზე მოძალადე გამართლებულია.

ეს უკვე იქნება ჩვენი ქვეყნის სამართლის სახე!

გონს მოეგე, საქართველო!

სანამ ქვეყანა “სხვისი ჭირი ღობეს ჩხირის” პიზიციაში იქნება- არაფერი არ გვეშველება!

თუ გაჩუმდები – ხვალ შენი ჭირი იქნება , იცოდე!!!!

….

ცნობისთვის კი:

2019 წლის 30 სექტემბერს თბილისის საკრებულოს მაშინდელმა მაჟორიტარმა დეპუტატმა, ილია ჯიშკარიანმა, ფიზიკური ძალის გამოყენებით, სექსუალური ხასიათის ძალმომრეობითი ქმედება განახორციელა თავისი ბიუროს თანამშრომელ, თამთა თოდაძეზე.

თამთამ პოლიციას იმავე დღეს, შემთხვევიდან რამდენიმე წუთში მიმართა. ილია ჯიშკარიანს ბრალი წარედგინა სსსკ-ის 138-ე მუხლის მე-2 ნაწილის „ბ“ ქვეპუნქტით და ამავე კოდექსის 126-ე მუხლის 1-ლი ნაწილით. აღნიშნული მუხლები გულისხმობს სექსუალური ხასიათის სხვაგვარ ქმედებას, ჩადენილს სამსახურეობრივი მდგომარეობის გამოყენებით და ძალადობას, რამაც დაზარალებულის ფიზიკური ტკივილი გამოიწვია.

2022 წლის 20 მაისს, მოსამართლე ლიანა ორკოდაშვილმა ილია ჯიშკარინი წარდგენილ ბრალდებაში გაამართლა.

2022 წლის ნოემბერში სააპელაციო სასამართლომ ძალაში დატოვა !