“ძალიან გთხოვთ კომენტარებში არ დამიწყოთ დამუნათება” – რას წერს გია გაბრიჭიძე ?

ჟურნალისტი გია გაბრიჭიძე ირაკლი კობახიძის მიერ ნინო ლომჯარიაზე გაკეთებულ განცხადებაზე: 

“ირაკლი კობახიძე – ლომჯარია ისეა ჩართული პოლიტიკურ პროცესებში, რომ არ გამოვრიცხავ, თუნდაც ასეთი პოლიტიკური ნაბიჯი გადადგას – ჩაანაცვლოს საკუთარი პირველი მოადგილე იმისათვის, რომ კიდევ ერთი, პოლიტიკოსი ბურჯანაძე დატოვოს მოვალეობის შემსრულებლად.

. . . .

საზოგადოებამ უნდა შეაფასოს ეს ყველაფერი. რა თქმა უნდა, ეს იქნება აბსოლუტურად მიუღებელი და საზოგადოება შეაფასებს ამას. თუ რადიკალური ოპოზიციის გათვლა არის ის, რომ პარლამენტი ვერ მოახერხებს სახალხო დამცველის არჩევას, მაგრამ ისინი ასეთი ტრიუკებით დატოვებენ ბურჯანაძეს დე-ფაქტო სახალხო დამცველად, კიდევ ერთხელ გავიმეორებ, რომ ეს იქნება მძიმე მოვლენა და საზოგადოებამ ეს უნდა შეაფასოს. ოპოზიციის ხელშია სახალხო დამცველის არჩევა. იმიტომ, რომ ჩვენ არ გვაქვს 90 ხმა.

ჩემი აზრით შეცდომაა როცა სახალხო დამცველის თანამდებობა მთლიანად ამ ე.წ. ოპოზიციას ჩაუგდეს ხელში, რადგანაც ამ ბოლო რამდენიმე წლის განმავლობაში ეს ინსტიტუტი მოქალაქეთა ინტერესების დაცვის ნაცვლად, ხალხისთვის აშკარად მიუღებელი თემების პროპაგანდას აგრესიულად ახორციელებს.”

კიდევ ერთხელ მინდა ვთქვა, რომ კანდიდატის შერჩევა აბსოლუტურად განსხვავებული წესით უნდა ხდებოდეს. ცხადია გარკვეული ყურადღება უნდა მიექცეს მის ცოდნას და გამოცდილებას, მაგრამ იმ სერტიფიკატებზე დაყრდნობა, რასაც კანდიდატები წარადგენენ არაფრით არ შეიძლება და თუ რატომ, ეს ბოლო დროს მომხდარმა ტრაგედიამაც გვაჩვენა.

რაც შეეხება საზოგადოების შეფასებას, თამამად შემიძლია ვთქვა, რომ ხალხს თავისი მკაფიოდ ჩამოყალიბებული აზრი სახალხო დამცველის ინსტიტუტის მიმართ, უკვე დიდი ხანია აქვს, რომელიც მკვეთრად უარყოფითია.

ჩემის მხრივ კი უბრალოდ ვიტყვი, რომ სახალხო დამცველი დღეს ის ბინოკლია, რომელზეც ვალიკო მიზანდარის დის შვილი გამწარებული იძახის – არ მინდა ვალიკო ბინოკლი!

და ბოლოს – ძალიან გთხოვთ კომენტარებში არ დამიწყოთ დამუნათება – ვინ აირჩია და რაღაც მსგავსი შეძახილები “