“ჩვენზე უნდათ შემოტენვა, საქმეს კერავენ! მიმიყვანეს და მაჩვენეს, აი, უყურეო. სანათები დგასო? დავთვალე – დგას” – დაკავებული ექსპერტი

ვაკის პარკის საქმეზე დაკავებულმა ექსპერტმა, დავით თუშიშვილმა, სანამ მას პოლიციელები ხელბორკილებს დაადებდნენ, “ტვ პირველთან” საუბრისას, თქვა:

“ჩვენზე უნდათ შემოტენვა, თუმცა რეალურად, ჩვენ არაფერ შუაში ვართ. ჩვენ დაგვავალეს ხარჯთაღრიცხვა, წმინდა ბუღალტერია რაც არის. შესრულებული სამუშაოების მოცულობები  შეესაბამებოდა თუ არა რეალობას. ფინანსური ნაწილი შემოწმდა ჩვენს მიერ. ისე გამოჰყავთ ამათ საქმე, რომ თითქოს ჩვენ შევამოწმეთ შადრევნის ტექნიკური მდგომარეობა და მაგაზე გავეცით დასკვნა. შადრევნის ტექნიკური მდგომარეობა, სადენები როგორაა დაერთებული, ელექტრო ნაწილი რაც არის, ფარული სამუშაოს აქტებია. ესენი ჩვენს მიერ არც გადაწმებულა. იქ დასკვნაში ეწერა, რომ დავეყრდენით ფარული სამუშაო აქტებსო. შადრევანი ჩართულიც არ მინახავს.

უფრო მეტიც, ეს დასკვნა არის შუალედური, სამუშაო რომ არ არის დასრულებული. მაგ ხარჯთაღრიცხვით მე რა დოკუმენტაციაც მქონდა, რაზედაც ჩვენ ისნპექტირება გავაკეთეთ, ისიც კი არ ირკვეოდა, ეს შადრევნის ნაწილი დასრულებული იყო თუ არა.

მიმიყვანეს და მაჩვენეს, აი, უყურეო. სანათები დგასო? დავთვალე – დგას. რაღაც ქვები იყო დაგებული, ამდენი კვადრატი დაგებულიაო? დავთვალე და იყო დაგებული – ასეთი რაღაცეები.

საქმეს კერავენ! იცი რაშია საქმე? – ამათმა ლაბორატორიასაც რომ დაარტყან, რეალურად გამოდის, რომ მერიას ერთი უსაქმურების ბანდა ჰყავდა სამსახურად. იგივე კალაძეზე დარტყმაა, მიხვდი რაშია საქმე?! არ უნდათ იმას დაარტყან და აბა ვინ იქნება განტევების ვაცი, აბა გამოიცანი?!  

იმ ხელშეკრულებაში, რომელიც აქვს მერიას და “გრინ სერვისს” , იქ პირდაპირ წერია, რომ ტექნიკური ზედამხედველობა უნდა გაეწია ამ სამუშაოებზე მერიის დაფუძნებულ რაღაცა აიპი ლაბორატორიას. რეალურად, მაგათმა გააკეთეს ეგ ზედამხედველობა. ტექნიკური მდგომარეობა მათ უნდა ჩაეტარებინათ, უნდა შეემოწმებინათ ყველაფერი.”