“ტაბულას” დამფუძნებელი, თამარ ჩერგოლეიშვილი, 10 ოქტომბერს გამართული აქციის ფოტოებს აქვეყნებს და წერს:
“ივანიშვილის ერთერთმა სპიკერმა, გოგა ხაინდრავამ, შემზარავი პოსტი დაწერა.
მშვიდობიანი მოსახლეობის დაბომბვას გამოეხმაურა ნიშნისმოგებით – აი ამაში გვითრევდა დასავლეთი და ბიძინამ გადაგვარჩინაო.
საოცარი სიხარული იგრძნობოდა ამ ინტელექტუალურად შეურაცხმყოფელ საზიზღრობაში – უკრაინელი ადამიანების გვამების ნახვით გამოწვეული სიხარული. ცუდად მისდიოდათ პროპაგანდის საქმე. უკრაინა ტერიტორიებს იბრუნებს, რუსეთი ბრძოლის ველზე აგებს…
სულზე მოუსწროთ უკრაინელი ბავშვების სიკვდილმა – ივანიშვილის რეჟიმის კაპიტულანტურ პოლიტიკას ახალი სუნთქვა გაეხსნა.
პანდემიასაც ასეთი სიხარულით შეხვდა აწ უკვე ემიგრაციაში გახიზნული ლაშა ნაცვლიშვილი – 8 მარტის შეთანხმების შემდეგ სუსტად იყვნენ და ტუზივით დაეცათ.
აი ამ საზიზღრობით მოწამლული, უკრაინელი აქტივისტების აქციაზე წავედი.
ვიფიქრე, სოლიდარობას და ბრაზს ერთად გამოვხატავ.
მივედი – უკრაინელი აქტივისტები ალყაში მოაქცია სააკაშვილის 15-იოდე მხარდამჭერმა და უკრაინის მხარდამჭერი აქცია ექსპრეზიდენტის კულტის ძალადობრივად თავსმოხვევის უგემოვნო რიტუალში გადაიზარდა.
ცოტა ხანს ზურგით ვიდექი, მალევე წამოვედი.
ღრმად მჯერა, რომ იმისათვის რომ ივანიშვილს მოვუგოთ, მას არჩევნებამდე უნდა მოვუგოთ. ასეთი აპათიური ამომრჩევლით არჩევნებში შესვლა ივანიშვილის მორიგ გამარჯვებას ნიშნავს. ამიტომ, ჩვენ კლიმატი უნდა შევცვალოთ, ცვლილებების იმედი გავაჩინოთ. ამის მისაღწევად, ქუჩის ძლიერი და მომხიბვლელი პროტესტის გარდა, სხვა გზა არ არსებობს. ქუჩაში უნდა გადავტეხოთ ვითარება ისე, რომ მორალური უპირატესობით შევიდეთ არჩევნებში და არა დაჩაჩანაკებულები.
ისიც ღრმად მჯერა რომ ის უბადრუკი, უგემოვნო, ძალადობრივი ქაჯობა რაც პარლამენტთან ვიხილეთ, არათუ მორალურ უპირატესობას მოგვაპოვებინებს, არამედ ქუჩის პროცესის მარგინალიზაციას გამოიწვევს – თავმოყვარე ადამიანი ასეთ ცირკში მონაწილეობას არ მიიღებს.
მარტივია – თუ უკრაინის მხარდამჭერ აქციაზე გასვლა მოქალაქისთვის მიშას განდიდების რიტუალში ძალადობრივ მონაწილეობას ნიშნავს მიშისტების მომთაბარე ტომის ყიჟინის ქვეშ, ამ მოქალაქეების რაოდენობა დავიწროვდება.
იგივეა სხვა თემებზეც – თუ მიშისტების ტანტრუმებამდე ავიწროვებ თემას, მონაწილეთა რაოდენობაც ვიწროვდება.
ჩემთვის პატივსაცემი ადამიანები ამბობენ ხშირად, რომ ბიძინა ივანიშვილმა შეგვისრულა და ისაა მაგარი.
სინამდვილეში, ბიძინა კი არაა მაგარი. ოპოზიციური ველი აქვს მიტაცებული გადაგვარებულ ლუზერს, რომელიც რადგან თვითონ ვერ იწვევს თანაგრძნობას, არც უკრაინელებს აცდის თანაგრძნობა მიიღონ. რადგან თავად ვერ იმარჯვებს, არც სხვას აცდის გაიმარჯვოს…
ეს უნდა შეიცვალოს.
ფოტოები ძლივს გადაიღეს, რომ ის უზრდელი მაჯლაჯუნები არ შევარდნოდნენ იმ გადაგვარებული ლუზერის სახელის კივილით.
კომენტარები