რა დაავალა გახარიამ გომელაურს მაშინ, როცა ბადრი ესებუასთან მიდიოდა მოლაპარაკება?

საქართველოს ბანკზე დღევანდელმა თავდასხმამ, საზოგადოებას 2020 წელს მომხდარი გაახსენა, როცა შსს–ს მტკიცებით, თავდამსხმელი იყო ბადრი ესებუა.

მაშინ, პრემიერ-მინისტრი გიორგი გახარია აცხადებდა, რომ პირადად მისცა შინაგან საქმეთა სამინისტროს დავალება:

“შინაგან საქმეთა სამინისტრომ და საქართველოს პოლიციამ იმ დღეს კონკრეტული დავალება მიიღო და ეს დავალება იყო, რომ წვეთი სისხლი არ უნდა დაიღვაროს. მათ ეს დავალება პირნათლად შეასრულეს. ეს იყო ის დავალება, რომელიც უნდა შეესრულებინათ. “

მიიღო, თუ არა, ამჟამინდელი პრემიერისგან რამე სახის დავალება შს მინისტრმა გომელაურმა, უცნობია.

შეგახსენებთ, ზუგდიდში, “საქართველოს ბანკის” შენობაში ნიღბიანი და შეიარაღებული პირი 2020 წლის 21 ოქტომბერს შეიჭრა. მას რამდენიმე საათის განმავლობაში მძევლად ჰყავდა აყვანილი მოქალაქეები, მათი გათავისუფლების სანაცვლოდ კი 500 ათას აშშ დოლარს და უსაფრთხოების გარანტიებს ითხოვდა.

იგი დღემდე არ არის დაკავებული.

შს მინისტრმა გომელაურმა, რამდენიმე თვის წინ განაცხადა, რომ დაიჭერს, მაგრამ არ იცის, როდის.