ბიძინა ივანიშვილს აქვს დავა ბანკთან და არა პირიქით – ირაკლი კობახიძე

“ქართული ოცნების” თავმჯდომარე ირაკლი კობახიძე უკრაინის მიერ ივანიშვილისა და მისი გარემოცვის დასანქცირების მოთხოვნაზე:

“ეს არის აბსურდული თემა და აბსურდულ თემებზე კომენტარის გაკეთებაც არის არარელევანტური… ჩვენ მანამდეც გვახსოვს კონკრეტული ხელისუფლების წარმომადგნლების განცხადებები ამასთან დაკავშირებით, შესაბამისად, აქ ახალი არაფერია. მათი ერთ-ერთი ლიდერი, იგივე არახამია გამოდიოდა პირდაპირ ამ მოთხოვნით. სიახლე არაფერია ამაში. ნუ, რა თქმა უნდა, ჩვენ გვაქვს ჩვენი ასე ვთქვათ ეჭვები იმასთან დაკავშირებით, თუ საიდან რა როგორ ხდება, მაგრამ არც ამაზე გვსურს საუბარი და ზოგადად, ამ თემაზეც არ გვინდა კომენტარების გაკეთება იმიტომ რომ აბსურდია თავის შინაარსით.

რაც შეეხება სამართლებრივ დავას, საქმე ეხება რას: თავის დროზე, მარტივად ბანკმა მოიპარა, მოხსნა პირდაპირ ანგარიშიდან ასეულობით მილიონობით დოლარი და ამასთან დაკავშირებით ბიძინა ივანიშვილს აქვს დავა ბანკთან და არა პირიქით. და დღეს ისე იყო წარმოჩენილი, თითქოს ბიძინა ივანიშვილის დაკითხვა მიმდინარეობს. რეალურად ხდება გამოკითხვა იმ საქმესთან დაკავშირებით, სადაც ბიძინა ივანიშვილს აქვს პრეტენზიები ბანკთან და არა პირიქით.

…კიდევ ერთხელ გავიმეორებ, ბანკმა მოიპარა ასეულობით მილიონი დოლარი და როდის დაიწყო ეს ყველაფერი. დაიწყო დაახლოებით 10-15 წლის წინ სად იყო მაშინ, რა შუაშია აქ სანქციები და ასე შემდეგ. დაიწყო ეს ყველაფერი მაშინ… დიდი ხნის წინ დაიწყო ის ქურდობის საქმე, რომელიც დღეს განიხილება სასამართლო წესით. ეს არის რეალობა და ამასთან დაკავშირებით აქვს პრეტენზიები, ბუნებრივია, ბიძინა ივანიშვილს.”