პარტია “საქართველოსთვის” პოლიტსაბჭოს წევრი, ნათია მეზვრიშვილი:
“ირაკლი კობახიძე / Irakli Kobakhidze დებატებში დაჯდომა გაბედე და საზოგადოებას გავაგებინოთ რატომაა დღეს გენპროკურორის 3/5-ით არჩევა ფარსი და როგორ შეძლებს ოცნება დღევანდელ რეალობაში 90 ხმის მოგროვებას (ვაჭრობა-გარიგებით) და პარტიისადმი ლოიალური გენპროკურორის არჩევას.
ასევე, ავუხსნათ საზოგადოებას რატომაა ჩვენი სისტემა იმდენად უნიკალური თავისი არაფორმალური მმართველობით, რომ ადგილობრივ რეალობაზე მორგებულ ცვლილებებს საჭიროებს და საერთაშორისო პრაქტიკებზე მითითება თქვენი პროპაგანდის ნაწილია. ვისაუბროთ კონსენსუსურ დემოკრატიაზე (დარწმუნებული ვარ, გესმის).
ხალხს ნუ ატყუებთ!
ოპოზიციას რაც შეეხება, აი ზუსტად ამიტომ ვამბობთ, რომ ოპოზიციის ზოგიერთი წარმომადგენელი და ზოგიერთი ოპოზიციური პარტია ოცნების მაშველი რგოლია. ოცნებას ფარსის განხორციელებაში უწყობთ ხელს. შარლ მიშელის შეთანხმების მოშველიება არ გამოვა. მაგ შეთანხმების შემდეგ ევროკავშირმა ქვეყანაში ოფიციალურად გააფორმა ოლიგარქიული მმართველობა. ეგ როცა შესასრულებელი იყო, მაშინ შეგესრულებინათ.
გასაგებია, რომ უკვე მოსყიდული გყავთ 6 დეპუტატი, ისიც გასაგებია ვინ. ამით ხალხის მოტყუებას ცდილობთ და ძალიან საშიშია ეგ.”
კომენტარები