,, ინტელექტუალური ადამიანებისთვის ციხე დამრთგუნველია” – რას უყვება სააკაშვილზე ,,ალიას” ვალერი გელბახიანი

ლევან ჯავახიშვილი

„ალიას“ ესაუბრება ადვოკატი, ვალერი გელბახიანი.

– ბატონო ვალერი, რამდენიმე სამედიცინო კონსილიუმმა და დამოუკიდებელმა ესქპერტმა შეისწავლა მიხეილ სააკაშვილის სამედიცინო მდგომარეობა. ყველამ დასკვნა დადო, რომ რამდენიმე სახის დაავადება აწუხებს და რეკომენდაცია გასცეს, რომ სასჯელი გადაუვადდეს და უცხოეთში იმკურნალოს. რატომ არ უვადებენ სასჯელს? რა მიზანი აქვს ხელისუფლებას?

-არა, არა, ჯერჯერობით, პროცედურაა. ამ დასკვნების შემდეგ, სასამართლოს  წინაშე  უნდა დაიწეროს შუამდგომლობა, სადაც უნდა დასაბუთდეს მოხოვნა არა მხოლოდ სამედიცინო თვალსაზრისით, ასევე, იურიდიულადაც. ამ შუამდგომლობას უნდა დაერთოს ნუსხის სახით მტკიცებულებები და შევიდეს სასამართლოში. ეს ასე, ერთჯერადად შესასრულებელი პროცედურაც არ არის, ამას დრო სჭირდება. ადვოკატები სხედან და მუშაობენ ახლა შუამდგომლობაზე და მის საფუძვლიანად მომზადებას, ერთი კვირა მაინც დასჭირდება. შესაძლოა, 10 დღეც დასჭირდეს. მე  ვფიქრობ, 10 დღე დასჭირდება.

-კიდევ სხვა უცხოელი ექსპერტები, სხვა პროფილის ექიმები აპირებენ ჩამოსვლას და სააკაშვილის გასინჯვას. მათ დასკვნებსაც ხომ არ ელოდებით?

–ვიდრე ეს შუამდგომლობა დაიწერება, მანამდე რა დასკვნებიც დაიდება, ყველა დაემატება შუამდგომლობას.

-გადავადება გასაგებია, კაცი თუ მართლა კვდება და სამკურნლოა. თუმცა, სადამდე შიძლება სააკაშვილს  სასჯელის მოხდა გადაუვადონ? ვიდრე არ გამოჯანმრთელდება? და ეს „ვიდრე“ რამდენი  წელია?

–აქ უკვე ხორციელდება არა პრობაციის, ანუ იუსტიციის სამინისტროს კონტროლი, არამედ ხორციელდება სასამართლო კონტროლი. სასამართთლომ უნდა გადაუვადოს ერთი  წლით სასჯელის მოხდის ვადა, ეს არის ერთჯერადად გადავადების მაქსიმალური ვადა. მეტის უფლება სასამართლოს არ ქვს. ერთი  წლის შემდეგ, სასამართლო გაუგზავნის მსჯავრდებულ პირს წერილს და მოსთხოვს, რომ სასამართლოს   წარუდგონოს სასამართლო-სამედიცინო ექსპერტიზის დასკვნა მისი ჯანმრთელობის მდგომარეობის შესახებ. თუ გამოჯანმრთელდა, თუ გაუუმჯობესდა ჯანმრთელობის მდგომარეობა და ეს სამედიცინო-ექსპერტიზის დასკვნამ დაადასტურა, მაშინ სასამართლო აღუდგენს სასჯელის მოხდას, მაგრამ ექსპერტიზის დასკვნით  თუ არ არის გამოჯანმრთელებული, მაშინ სასამართლო კიდევ ერთი  წლით გადაუვდებს სასჯელის მოხდას.

– ყველა დაავავადება, რაც სააკაშვილს სჭირს, მისი ფსიქიკიდან გამომდინარეობს. იქიდან, რომ ის ვერ ეგუება პატიმრობას, ციხეს. ბევრი ვერ ეგუება ციხეს, მაგრამ მაინც იხდის ხალხი სასჯელს. საბოლოოდ, საქმე იქით ხომ არ  წავა, რომ სხვა, ალტერნატიული სასჯელი შეუფარდონ პატიმრობის ნაცვლად და დავუშვათ, სახლში მოიხადოს სასჯელი?

– ჩვენ გავდივართ მხოლოდ იმ მოთხოვნას, რასაც სასჯლის  გადავადება ჰქვია. რაც შეხება დანარჩენს, მაგალითად, სასჯელისგან გათავისუფლებას, ან ერთი სახის სასჯელის შეცვლას სხვა, უფრო მსუბუქი სასჯელით,  ამ საკითხებზე არ მიგვიმართავს სახელმწიფოსთვის და შესაბამისი ორგანოებისთვის. ჩვენ მხოლოდ ერთ საკითხზე ვმუშაობთ- მიხეილ სააკაშვილს გადაუვადდეს სასჯელი. მოკლედ, გადავადება იმას ნიშნავს ამ შემთხევაში, რომ ის სასჯელს იხდის, მაგრამ სასჯელს იხდის როგორც პირობით მსჯავრს. გამოსაცდელი ვადის სახით. ამ გადავადების პერიოდში, უსასჯელოდ არ რჩება. ისიც სასჯელია გამოსაცდელ ვადაში, ერთწლიანი სასჯელი.

– ანუ, ეს ერთი  წელიც სასჯელის მოხდაში ჩაეთვლება და გამოაკლდება სრულად მოსახდელ სასჯელს, წლებს?

-კი, ჩვეულებრივად ჩაეთვლება სასჯელში.

-იმაზე რას იტყვით, სააკაშვილი ციხეს რომ ვერ ეგუება?

-ყველა ადამიანი არის ინდივიდუალური ფსიქიკა, მეტი კი არაფერი. დანაშულებრივი მსოფმხედველობრივი ადამიანისთვის ციხე არის მისი, ასე ვთქვათ, ატრიბუტიკა, ანუ ფსიქიკის ნაწილია, ის ციხეს  შეგუებულია. მაგრამ ინტელექტუალური ადამიანებისთვის ციხე დამრთგუნველია. დავუშვათ, ადამიანი არ იყოს პრეზიდენტი და იყოს მწერალი და მეცნიერი. ინტელექტუალური, შემოქმდებითი ადამიანის ფსიქიკა იმდენად ირღვევა ციხეში ყოფნის პერიოდში, მწყობრიდან გამოდის მისი ადამიანური ფუნქციები, მათ შორის, სასიცოცხლო ფუნქციები. დამნაშავისთვის ციხე სახლია და ინტელექტუალებისთვის ციხე კატასტროფაა.