„ვიდრე ხელისუფლებაში მოვიდნენ, ვინ იყვნენ და რა შემოსავალი და ქონება გააჩნდათ! ბევრი რესტორანში საერთოდ არ იყო ნამყოფი“ – დავით ჭიჭინაძე

ლევან ჯავახიშვილი

„ალიას“ ესაუბრება პოლიტიკური მოძრაობა „ტრიბუნას“ ლიდერი, დავით ჭიჭინაძე.

– „ქართული ოცნების“ აღმასრულებელი და საკანონმდებლო ორგანოების წარმომადგენლებმა, ქვეყანა ხომ თავზე დაიმხეს და ამას არ სჯერდებიან. მათი სარესტორნო ხარჯები გამოქვეყნდა. უნამუსოდ, ბიუჯეტი ხარჯზე ქეიფობენ, როდესაც მოესურვებათ და ისე აფორმებენ, თითქოს მათ ვიღაცა სტუმრობდა და ბანკეტებს სტუმრებს უხდიდნენ. ამ გაჭირვებულ ქვეყანაში, სადაც ამდენი მშიერი ადამიანია,  როგორ შეიძლება ბიუჯეტის ფულით რესტორანში იგრიალო?

– ესენი ხომ ამ ქვეყნის ნაწილი არ არიან. ორგანულად ვერ იტანენ აქაურობას, ქართველ ხალხს. მათთვის ეს არის საძარცვო თემა და რატომ გიკვირთ? ამ ქვეყანას, როგორც მეწველ ძროხას,  როგორც საკუთარ ბოსტანს, ისე უყურებენ. როგორც უნდათ, ისე ძარცვავენ. ბიუჯეტის ფულს სადაც უნდათ, როგორც უნდათ, ისე დახარჯავენ. აქ მორალზე, სახელმწიფოებრივ მიდგომაზე, პასუხისმგებლობაზე, სინდის-ნამუსზე ლაპარაკი აღარ არის. თან, მათი უმეტესობა უნახავი ხალხია. გადახედეთ მაგათ წარსულ ცხოვრებას. ვიდრე ხელისუფლებაში მოვიდნენ, ვინ იყვნენ და რა შემოსავალი და ქონება გააჩნდათ. ამხელა ხარჯები კი არა, ბევრი რესტორანში საერთოდ არ არის ნამყოფი. დაითრიეს სახელმწიფო და როგორც უნდათ, ისე ძარცვავენ. ივანიშვილს ნებაზე ჰყავს მიშვებული და რაც მეტს სჭამენ, მით უფრო მორჩილი მონები ხდებიან ივანიშვილისა. ძალიან კარად იციან, რომ ეს დანაშაულია, მაგრამ უფლებას აძლევენ, რომ ჩაიდინონ. ივანიშვილი კი, მათ როდესაც  მოუნდება, რაშიც მოუნდება, მაშინ და იმ საქმეში გამოიყენებს. ესენი კი ვერასდროს ვერაფერს გააპროტესტებენ.