,,ზელინსკი ჩემს თვალში არაკაცია, მაგრამ…” – რას წერს ზვიად ტომარაძე

,,ერი და სახელმწიფოს” დამფუძნებელი, ზვიად ტომარაძე:

,,ზელინსკი 2008 წელს საქართველოს წინააღმდეგ ომზე გაკეთებული დამცინავი სკეჩის მერე ჩემს თვალში არაკაცია, მაგრამ დღემდე ვერ ამოვხსენი როგორ შეიძლება ქართველი კაცი რუსეთ-უკრაინის კონფლიქტის დროს რუსეთის მხარეს იყოს? საქართველოს მიმართ საუკუნოვან მტრობას რომ თავი დავანებოთ, ამჟამინდელ ოკუპაციას როგორ დავივიწყებთ? გარდა ამისა, რუსეთი უკრაინაში ომის მოგების შემდეგ ხომ საქართველოში “გადმოინაცვლებდა?” მიუხედავად იმისა, რომ რუსეთი ხშირად არღვევს მოლაპარაკების პირობებს, მე ყოველთვის მომხრე ვიყავი რუსეთთან პირდაპირი დიალოგის, მტერს უნდა ელაპარაკო სწორედ, ასე იქცეოდნენ ჩვენი მეფეებიც, ხან ოსმალეთის და ხან სპარსეთის კარზე, მაგრამ ეს ხომ რუსეთის მიმართ ტრფობასა და მათ გულშემატკივრობას არ უნდა ნიშნავდეს? დასავლური თანამედროვე ღირებულებები, თვითონ დასავლეთშივე არ მოსწონს ბევრს და მითუმეტეს საქართველოში ვერ მივიღებთ, მაგრამ ეს არ ნიშნავს რუსეთის ქართველების მოყვარედ, მართლმადიდებლობის, ან ზნეობის დამცველად წარმოჩენას… არცერთი ქვეყანა არ არის მეგობარი, სახელმწიფოების დონეზე მეგობრობა არ არსებობს, არსებობს მხოლოდ ინტერესები და ამ ინტერესების შესაბამისად მუდმივად უნდა ვივაჭროთ ყველასთან, მაქსიმალური სარგებლის მისაღებად…”