მთავარი ამოცანა მიხეილ სააკაშვილის გადარჩენაა – თქვა „ნაციონალური მოძრაობის“ წევრმა რომან გოცირიძემ ტვ პირველის ეთერში :
„აზრების გენერირება ხდება პარტიის გარედან, ბევრი საკითხი პარტიასთან დაუკავშირებელი პირებიდან მოდის, ახლა ყველანი ვართ შეთანხმებული ერთ მთავარ საკითხზე, რომ მიხეილ სააკაშვილის გადარჩენა არის მნიშვნელოვანი, დღეს არ არის საკითხი მისი პოლიტიკური აქტიურობის ან მომავალში მის პოლიტიკაში ამა თუ იმ ფორმით დაბრუნების შესახებ.
მომავალში რა მოხდება არავინ იცის. ჩვენი მთავარი ამოცანა არის მისი სიცოცხლის გადარჩენა. დღეს მისი სურვილი რაც არის, ჩვენ ამ სურვილს მივესალმებით. ვალერი გელბახიანზე ვამბობ, ინტერვიუს შემდეგ რომ წაიღადავებს კაცი, ეს ჩაიწერეს თურმე და როგორც მისი მთავარი კომენტარი ისე გაუშვეს. ამის გაკეთება უნამუსობაა. ჩვენ არ ვიცოდით, რომ ამ ფორმით იყო და ამიტომაც აღვშფოთდით.
ადვოკატი როცა ხარ, ნუ აკეთებ პოლიტიკურ განცხადებას. მეორე ადვოკატი ხაჭაპურიძე გამოდის და ამბობს, „დაეწყვეთ 29-ვე დეპუტატი და ჰკითხეთ მიშას თუ ჩემი არ გჯერათ, საერთოდ ერთი მიტინგი არ მოგიწყვიათ“. რა შენი საქმეა რამდენ მიტინგს მოაწყობს პარტია.
შენი დავალებაა, კვალიფიციურად მოემსახურო სამართლებრივი კუთხით. ეს რიტორიკა შემდეგ შეჩერდა, ოჯახის მხრიდან ადვოკატების მიმართ ნდობა არის და ჩვენ არავითარი საფუძველი არ გვაქვს ეჭვი შევიტანოთ. ჩვენ ვემორჩილებით და მივესალმებით იმ გადაწყვეტილებას, რომელიც მიხეილ სააკაშვილს გადაარჩენს. ჩვენ არ გვინდა მიხეილ სააკაშვილი სამარეში და მისი პორტრეტი პარტიაში, არა, ჩვენ გვინდა ჯანსაღი მიხეილ სააკაშვილი. “
კომენტარები