ტვ პირველის ინფორმაციით, სუს-დან მოიპოვეს მასალა, რომელიც ადასტურებს, რომ უსაფრთხოების სამსახურის სპეცსამსახურის თანამშრომლები ამერიკის ელჩს უკანონოდ უთვალთვალებენ.
სავარაუდო თვალთვალის ხუთი ფაილიდან ორი ფოტოა, ორი ვიდეო, მეხუთე ფაილში კი ოპერატიული ცნობებია – სად, როდის და ვისთან ერთად მივიდა ელჩი?
დოკუმენტების თანახმად, საქართველოში აკრედიტებული ამერიკელი დიპლომატების მიერ, სასტუმრო “შერატონში” დაგეგმილი დახურული ღონისძიების ამბავი სუს-ს, სასტუმრო “შერატონის”, უსაფრთხოების სამსახურის უფროსმა, გიორგი რობაქიძემ მიაწოდა.
ერთ-ერთი შეტყობინება 4 ივლისით თარიღდება, სუს-ის თანამშრომელმა, 19:05 საათზე საიდუმლო სამსახურში სავარაუდოდ გააგზავნა ცნობა, რომ სასტუმრო ,,შერატონ მეტეხი პალას”-ში აშშ-ს დამოუკიდებლობის დღისადმი მიძღვნილ ღონისძიებაზე აშშ-ს ელჩი კელი დეგნანი მივიდა. მედიის ცნობით, უკანონო მიყურადებას დიმიტრი კაპანაძე ხელმძღვანელობდა, ადგილზე კი ერთ-ერთი, ვინც თვალთვალს ახორციელებდა და მონაცემებს სუს-ს გადასცემდა, მირიან ხუროშვილი იყო.
მასალების მიხედვით, თვალთვალის ობიექტია დიღომში, ელჩის რეზიდენცია და კელი დეგნანთან სახლში მისული ოპოზციის ლიდერები. 2021 წლის 1 ივლისს, სავარაუდოდ, სუს-ს აგენტი, გიორგი ვაშაძის პარტიიდან აწვდის ინფორმაციას, რომ “სტრატეგია აღმაშენებლის” თავმჯდომარე ამერიკის ელჩთან შეხვედრას აპირებს სახლში.
“შაბათის ეთერის” ინფორმაციით, გიორგი ყიფშიძე, სუს-ში ირაკლი ღარიბაშვილი კადრია, სწორედ მასთან აქვს კავშირი სავარაუდოდ გიორგი ვაშაძის პარტიის ერთ ერთ წევრს რომელიც სუსს აწვდის ინფორმაციას ამერიკის ელჩთან ნებისმიერი სახის კომუნიკაციის შესახებ.
მაგალითად, მასალების მიხედვით, 2021 წლის 25 ივნისს, 11:19 საათზე, სუს-ის თანამშრომელი გიგლა ბარამიძე ხელმძღვანელებს წერილობით აცნობებს, რომ ოპოზიციური პარტიის შეხვედრას დაესწრება სუსის წყარო ანუ აგენტი, რომელიც ელჩი დეგნანის გადაწყვეტილების შესახებ ინფორმაციას, მოდულის შენობაში გაგზავნის.
მედიის ცნობით, მიმოწერის ასლი, ვაშაძის პარტიის შიდა “ჩატიდან”, პირდაპირ სუს-ის საიდუმლო ჩატში გაიგზავნა.
“შაბათის ეთერის” ინფორმაციით, ელჩის თვალთვალი ბარამიძეს უფასდება. 2022 წლის მაისში, ბარამიძემ თეთრიწყაროში, 2375 კვადრატული მეტრი მიწა და მასზე დამაგრებული შენობა-ნაგებობა იყიდა.
წყარო – ტვ პირველი
კომენტარები