“ყველაფერი უნდა გავაკეთოთ, რომ გავაძლიეროთ ურთიერთობები ამერიკასთან” – პრემიერი

პრემიერმინისტრმა, ირაკლი ღარიბაშვილმა მმართველი გუნდის მხრიდან აშშ-ის ელჩთან, კელი დეგნანთან დაპირისპირებაზე დასმული კითხვის საპასუხოდ, განაცხადა:

“მინდა ვთქვა, რომ ყველაფერი უნდა გავაკეთოთ იმისთვის, რომ მაქსიმალურად გავაძლიეროთ ჩვენი ურთიერთობები მთავარ სტრატეგიულ პარტნიორთან, ამერიკასთან. მე, როგორც მთავრობის მეთაური, ვაკეთებ და გავაკეთებ მაქსიმუმს, რომ ეს ურთიერთობა რომელიც გვაქვს ამერიკასთან, ევროპასთან, კიდევ უფრო გავაძლიეროთ. ეს ჩვენი ქვეყნის ინტერესებშია, ეს არის მთავარი ამოცანა. ჩვენ მივდივართ ევროპისკენ, ეს შეუქცევადი გზაა, სხვა ყველაფერი, ყოველგვარი სპეკულაციები არის საფუძველს მოკლებული”