“არც ერთი ფაქტი არ არსებობს, რომ ივანიშვილი პოლიტიკაშია ჩართული” – კობახიძე

“ქართული ოცნების” თავმჯდომარემ, ირაკლი კობახიძემ დეოლიგაქრიზაციის კანონზე საუბრისას თქვა:

“კანონი უნდა დაზუსტდეს  სამუშაო ჯგუფის ფორმატში. შეიძლება, უკრაინული კანონიც გამოვიყენოთ ამისთვის.

სამუშაო  ჯგუფი უნდა შეჯერდეს, თუ რა არის ოლიგარქის ცნება, ვინ არის ოლიგარქი და ვის მიესადაგება საქართველოში ეს ცნება. ჩემი აზრი თუ გაინტერესებთ, რა თქმა უნდა, ოლიგარქის ცნება არავითარ შემთხვევაში არ მიესადაგება ბიძინა ივანიშვილს. კლასიკური დეფინიცის მიხედვით ოლიგარქი არის ადამიანი, რომელსაც აქვს გარკვეული სოლიდური თანხა და რომელიც არის ჩართული პოლიტიკურ პროცესებში, ან ფლობს გავლენას მედიაზე. რაც შეეხება ბიძინა ივანიშვილს, ის არც პოლიტიკაშია ჩართული და არც მედიასთან დაკავშირებულ პროცესებში, არც ერთი ფაქტი არ არსებობს ამ კუთხით.”