უკრაინული მედიის ცნობით, ქალაქ ლვოვის ადმინისტრაციულმა სააპელაციო სასამართლომ უკრაინის კომუნისტური პარტიის საქმიანობა აკრძალა.
„გაცნობებთ, რომ სასამართლომ დააკმაყოფილა უკრაინის იუსტიციის სამინისტროს მოთხოვნები: აკრძალულია უკრაინის კომუნისტური პარტიის საქმიანობა; პარტიის, მისი რეგიონული, საქალაქო, რაიონული ორგანიზაციების, პირველადი ორგანიზაციებისა და სხვა სტრუქტურული ერთეულების ქონება, სახსრები და სხვა აქტივები გადაცემულია სახელმწიფო საკუთრებაში“, – ნათქვამია განცხადებაში.
14 მაისს კი პრეზიდენტმა ხელი მოაწერა კანონს „უკრაინის ზოგიერთ საკანონმდებლო აქტში პოლიტიკური პარტიების აკრძალვის შესახებ ცვლილებების შეტანის შესახებ“.
დოკუმენტი აფართოებს პოლიტიკური პარტიის სასამართლოს გზით აკრძალვის საფუძვლების ჩამონათვალს. მაგალითად, საფუძველია უკრაინის წინააღმდეგ შეიარაღებული აგრესიის გამართლება, ლეგიტიმაცია ან უარყოფა.
კომენტარები