ჟურნალისტი აჩილ გამზარდია სოციალურ ქსელში წერს:
“საკუთარი პროფესიული ჩარჩოებიდან არ უნდა ამოვვარდეთ, მგონია. პოლიტიკას ყველა ვქმნით, მაგრამ პოლიტიკური პროცესი პოლიტიკური ჯგუფების საქმეა. სამოქალაქო აქტივიზმს თავის სარეალიზაციო ჩარჩოები აქვს, მედიას – თავისი, არასამთავრობო სექტორს – თავისი, ტრანსლატორებს – თავისი და ა.შ.
გაუგებარია, როდესაც სამოქალაქო აქტივიზმის წარმმართველებს პოლიტიკური ლიდერების ფუნქციას ვთხოვთ, გაუგებარია, როდესაც მედიის ან არასამთავრობო ორგანიზაციის წარმომადგენლების პირდაპირ პოლიტიკურ როლებს ვხედავთ, პოლიტიკური პროცესი ორგანიზებული და როლური პროცესია და არა ათქვეფილი.
დავუბრუნდეთ საკუთარ როლებს და ნურც სხვა როლის ტვირთის ზიდვას შევეცდებით და ნურც საკუთარ თავს მოვთხოვთ იმაზე მეტს, ვიდრე გამკლავება შეგვიძლია.
ნუ ავწევთ ზომაზე მეტად თამასას.
ნუ დავსახავთ მიუღწეველ მიზნებს.
ცვლილებას ჯერ მსურველის მენტალური რესურსი უნდა მიჰყვეს და შემდეგ ჩნდება დამატებითი რესურსიც და მკაფიოობაც.
ზედმეტი ხელოვნურობა ვნებს პროცესს.
ზედმეტი პათეტიზმი და ისტერიაც ვნებს პროცესს.
თანამედროვე პოლიტიკა სამომხმარებლო სერვისია, სადაც მხოლოდ თანამშრომლობა და ურთიერთსარგებლობის პრინციპი მუშაობს.
შევიგნებთ ამას და კიდევ სხვა არაერთ ასპექტს ? – მუშა და შედეგზე ორიენტირებული პროცესი გვექნება.
არ შევიგნებთ? – დავრჩებით ისე, როგორც ვართ.”
კომენტარები