პრემიერ-მინისტრის ეკონომიკური მრჩეველი სოსო ტყემალაძე BMGTV-ისთან აბასთუმნის კურორტის განვითარების პროექტის შესახებ საუბრისას, ამბობს:
“ჩამოვიდა ბატონი ბიძინა და თქვა: ფული ჩემი, საქმე შენი და აბა წამოვწიოთ აქაურობა, თავადაც მოყვარულია ბუნების და იცით რამდენ ხეებს რგავს.
აბასთუმანში ახლა იდება 1.3 მილიარდი ლარი, საიდანაც დაახლოებით 350 მილიონი ლარი არის ის, რასაც სახელმწიფო ხარჯავს. ესაა გზა, წყალი, გამწმენდი და ასე შემდეგ. დანარჩენ მილიარდს ხარჯავს კერძო სექტორი, ესაა ბატონი ბიძინას “პარაგრაფი”, ესაა “რუმსი”, ესაა ხარებავების პროექტი, ასევე პაპაშვილების პროექტი, რომლებიც მძლავრ ინვესტიციას აკეთებენ, როგორც აბანოში, ასევე სასტუმროებში და ჯამში პატარა სასტუმროებიანად, კურორტი გათვლილია 5,500 ადამიანზე ერთდროულად.
ვვარადუდობთ, რომ 2024-ში სრულიად გავხსნით, 2023-ში კი სამი სასტუმრო – რუმსი, პარაგრაფი უკვე იქნება, 2024-დან უკვე გადავკეტავთ და მხოლოდ ელექტრომობილები იმოძრავებს.
მილიარდი, რომელიც დაიხარჯება, იქ სახელმწიფო გადასახადების სახით იმ თანხას რაც დახარჯა იბრუნებს. ასეთი ბიზნესპროექტი სახელმწიფოსთვის ბევრი არ არის. შემდეგ კურორტი ყოველწლიურად 50-დან 70 მილიონამდე მოგებას აგენერირებს. ამ თანხიდან 10 მილიონი აბასთუმნის მარკეტინგში დაიხარჯება, 10 მილიონი კი ადმინისტრირებაში.”
კომენტარები