გორში ექიმებს ტრანსპორტი დაუნიშნეს

გორში ექიმებს სამგზავრო ტრანსპორტი დაუნიშნეს. ამის შესახებ qartli.ge-ს სამხარეო ადმინისტრაციის პრეს-სამსახურმა განუცხადა.

მისი თქმით, რეგიონის საკოორდინაციო საბჭოს გადაწყვეტილებით, ავტობუსები მხოლოდ მედიკოსებს მოემსახურება.

შეგახსენებთ, 31 მარტიდან, საქართველოში კარანტინი გამოცხადდა. 7 ქალაქში კი საკარანტინო პუნქტები გაიხსნა.

ქალაქ გორის შესასვლელ-გასასვლელში პოლიციისა და თავდაცვის სამინისტროს წარმომადგენლები მოქალაქეებს, ასევე მათ კუთვნილ ავტომანქანებს ამოწმებენ.

ავტომანქანაში, მძღოლის გარდა, არ უნდა იყოს ორზე მეტი მგზავრი, ისინიც უკანა სალონში უნდა იმყოფებოდნენ. ასევე, საეჭვო შემთხვევებში, მოქალაქეებს ტემპერტურას უზომავენ.

შესაბამისად, მედიკოსებს მოუწიათ ტაქსით სიარული და თუ ადრე რამდენიმე ერთად მგზავრობდა, ახლა მხოლოდ ორს უწევს ტაქსის საფასურის გადახდა, რაც დიდ ხარჯებთანაა დაკავშირებული.

იმედია, გორს სხვა ქალაქებიც მიბაძავენ, ხოლო მედიცინის იმ მუშაკებს, რომლებიც მარნეულში დადიან თბილისიდან, ან გორიდან თბილისში და ა.შ. სახელმწიფო ასევე გამოუყოფს ცალკე ტრანსპორტს.

რაც შეეხებათ გამყიდველებს, ფარმაცევტებს, ადამიანებს, რომლებიც ბენზინგასამართ სადგურებზე გვემსახურებიან – იმედია, მათზეც იზრუნებენ.

წყარო – ქართლი.ჯი