“შემოვსაზღვროთ ევროპა, სადაც ბალკანეთს, უკრაინას, მოლდოვასა და საქართველოს ექნებათ ადგილი” – კრამონი

ვიოლა ფონ კრამონმა ევროპარლამენტის პლენარულ სხდომაზე განაცხადა:

“ევროპის ისტორიაში ნამდვილი ცვლილებების მომსწრენი ვართ. უკრაინა როგორც საკუთარ ქვეყანას, ასევე მთლიან ევროპას პუტინის იმპერიული ბოროტებისგან იცავს. მოლდოვამ ათასობით ლტოლვილი მიიღო და ომისგან გამოწვეული დიდი ეკონომიკური წნეხის წინაშეა.  საქართველო რეგიონში იყო პირველი, რომელიც რუსეთმა დასაჯა ევროპული მისწრაფებების გამო. ამ კონტინენტის მომავალი შეიცვლება ან ჩვენი ღირებულებების შესაბამისად, ან პუტინის წესების მიხედვით.

დროა, რომ ევროკავშირმა ძალაუფლების ენაზე დაიწყოს საუბარი. ევროპა არ იქნება სრულყოფილი, სანამ კონკრეტულ ნაბიჯებს არ გადავდგამთ, რაც მათ ევროპულ ინტეგრაციას უკავშირდება. მოვუწოდებ ყველა ევროპული ქვეყნის ლიდერს, აიღონ პოლიტიკური პასუხისმგებლობა და შემოსაზღვრონ ხვალინდელი ევროპა, სადაც დასავლეთ ბალკანეთს, უკრაინას, მოლდოვასა და საქართველოს ექნებათ ადგილი.”