“ამ ტერმინს ჰქვია “დებიძინიზაცია” – სხვა ოლიგარქის მაგვარი ცოცხალი არსება საქართველოში არ დაიარება” – უსუფაშვილი

პარლამენტის დეპუტატი, “ლელოს” წევრი დავით უსუფაშვილი:

“დღეს მეც მივალ და დავდგები იქ, როგორც ერთი მოქალაქე, ვარ გაბრაზებული იმით, რომ ჩემს ქვეყანას, ჩემს ერს, ჩემს შვილებს სერიოზულად შეუფერხეს განვითარება და კეთილდღეობა. საქართველოს შემთხვევაში, ამ ტერმინს ჰქვია “დებიძინიზაცია”, იმიტომ რომ სხვა ოლიგარქის მაგვარი ცოცხალი არსება საქართველოში არ დაიარება. ევროპას თავიდანვე დაჰპირდა, რომ ერთი წელი ვიქნები და წავალო, ვერ წავიდა, მოვიდა, წავიდა, მიდის, მოდის, მაგრამ მთავარი ისაა, რომ აქ ხალხი რომ ზის ლაპარაკობენ ხან იმაზე, რომ ევროპა უსამართლოდ გვექცევა, ხან იმაზე რომ ევროპამ, რა კარგი რამე მოგვცა და ჩვენ ამას შევასრულებთ. საკმარისია, იმ ერთმა ადამიანმა თქვას, რამე სხვა და აქ 80 ადამიანი ეგრევე გადატრიალდება და შეატრიალებს ფირფიტას”