ლევან ჯავახიშვილი
„ალიას“ ესაუბრება ექსპერტი, გია ხუხაშვილი.
– ბატონო გია, დეოლიგარქიზაცია, რაც ბიძინა ივანიშვილის პოლიტიკიდან სრულად ჩამოცილებას ნიშნავს, სასამართლოს და მართლმსაჯულების სისტემის რეფორმა, ადამიანთა უფლებების დაცვა, პოლიტიკური პოლარიზაციის საკითხის მოგვარება… კიდევ ბევრი საკითხია ჩამოთვლილი ევროკომისიის გეგმაში. ევროპელმა პოლიტიკოსების კარგად იციან, ხელისუფლება ამ პუნქტებს არ შეასრულებს და აპელირება იმაზე, რომ ქართველი ხალხი ევროკავშირის წევრობის კანდიდატობას იმსახურებს, ეს ფარული მოწოდება ხომ არ არის, რომ ხელისუფლება შევცვალოთ არა არჩევნებით, არამედ მშვიდობიანი რევოლუციის ან სხვა არაძალადობრივი გზით?
– ეს მოწოდება კი არ არის, ეს არის სრულიად ლეგიტიმური. ჩვენ ახლა შეთქმულების თეორიაზე არ ვლაპარაკობთ. ეს არის ჩეულებრივი საღი მიდგომა. ხალხი ქირაობს ხელისუფლებას, ბატონად კი არ ირჩევს. შესაბამისად, ხალხი აიძულებს ხელისუფლებას, ის გააკეთოს, რა მანდატითაც აირჩია. თუ ხელისუფლება ამას არ აკეთებს, მაშინ უნდა გაუშვას სახლში და უნდა მოიყვანოს ახალი ხელისუფლება. ასე მუშაობს დემოკრატია, სხვანაირად არ მუშაობს. ფაქტობრივად, დასავლეთი გვეუბნება, რომ კი, ბატონო, გავიგეთ ხელისუფლება არაფერს აკეთებს და აბა, ხალხო, თქვენ რას აკეთებთ? თქვენ რას შვრებით? თქვენ ხომ გინდათ ევროკავშირში გაწევრიანება და დაამტკიცეთ, რომ გინდათ. ან აიძულეთ ხელისუფლება, რომ რაიმე გააკეთოს, ან თუ არ აკეთებს მაინც, მაშინ შეცვალეთ ხელისუფლება და აირჩიეთ ისეთი, რომელიც გააკეთებს. აი, ეს არის, მეტი არაფერი.
– ესენი იმ გავლენების დამთმობები არ არიან, რაც ხელისუფლებაში ყოფნით მიიღეს და რითაც დიდძალი ქონება და ფული იშოვნეს, არარაობები იყვნენ და ქვეყანა ფეხქვეშ გაიგდეს. გავლენების შესანარჩუნებლად ნებისმიერი სახის რეპრესიებზე არ წავლენ?
– ესენი კი წავლენ რეპრესიებზე, მაგრამ იქამდე არ უნდა მიუშვა, უნდა შევცვალოთ და თუ ვერ შევცვალეთ, ე.ი.ჩვენი ბრალია.
კომენტარები