პოლიტოლოგმა გია ხუხაშვილმა “ინტერპრესნიუსთან“ საუბრისას პრეზიდენტის, სალომე ზურაბიშვილის მიერ 16 ივნისს დაანონსებულ შეკრებასთან დაკავშირებით განაცხადა:
“20 ივნისი, რომელიც სიმბოლურად, ქართველი ხალხის მეხსიერებაში დაპირისპირების დღესთან ასოცირდებოდა, პრეზიდენტს შეეძლო ერთიანობის დღედ გადაექცია, ნაცვლად ამისა, მან ალტერნატიული აქცია დააანონსა. ამის გაკეთებაც შეეძლო, რომ 20 ივნისი არ ეხსენებინა, მაგრამ როდესაც ამასთანავე რეკომენდაცია გასცა, რომ ჯობია 20 ივნისს აქცია საერთოდ არ ჩატარდეს, ამით ყველაფერი წყალში გადაყარა. დაპირისპირების პოტენციალი კი არ შეამცირა, არამედ კიდევ უფრო გაზარდა იმის რისკი, რომ 20 ივნისს შეიძლება რაღაც მოხდეს.
პრეზიდენტს 20 ივნისის აქცია შანსს აძლევდა, რომ ეს ყველაფერი დაპირისპირების რისკის ნაცვლად, თანხმობის დღედ, ანუ პოზიტიური ზეიმის დღედ გვექცია. მას შეიძლებოდა ეს გამოსვლოდა ან არ გამოსვლოდა, მაგრამ ყოველ შემთხვევაში, ამის მცდელობა უნდა ჰქონოდა. ნაცვლად ამისა, მან ფაქტობრივად, 20 ივნისის აქციაზე კონკურენცია დაიწყო.
კომენტარები