“მოკლული ლექსო ლაშქარავა გახდება სიმბოლო ივანიშვილის დამარცხებისა!” – ვახო სანაია

ივლისის იმ მძიმე დღეებში ჩვენ დავდეთ პირობა, რომ ბოლომდე ვიბრძოლებდით მისი სახელის, ჩვენი პროფესიისა და საქართველოს ევროპული მომავლისთვის.

ხან ყოჩაღები ვიყავით ამ ბრძოლაში, ხან – არც ისე. ჩვენ არასდროს გვიფიქრია აქციების გამართვა. ეს იყო ყველაზე გულწრფელი მიტინგები. ქუჩაში, სტუდიაში, შეხვედრებზე – სადაც ხმა მიგვიწვდებოდა, მაქსიმუმ ვაკეთებდით. ლექსოს სახელი უკვდავყოფილია. ჩვენ გვესმის, რომ წინ კიდევ დიდი ბრძოლებია – თავისუფალი მედია გადასარჩენია, საქართველოს დემოკრატია და მომავალი გადასარჩენია და ამ ბრძოლაში ჩვენ ჩვენი ხალხის მხარდამხარ ვდგავართ. ვაკეთებთ, რაც შეგვიძლია – ავად თუ კარგად, მაგრამ შეუპოვრად და გულწრფელად.

მოკლული ლექსო ლაშქარავა გახდება ერთ-ერთი სიმბოლო ბიძინა ივანიშვილის დამარცხებისა ! მას თავისი საქმე ჯერ კიდევ არ დაუსრულებია !

ახლა კიდევ ერთი საქმეა გასაკეთებელი – ციხიდან უნდა გამოვიდეს პოლიტპატიმარი ნიკა გვარამია და კიდევ ერთი პოლიტიკური და მედიალურსმანი ჩავაჭედოთ !

თქვენ გვხოცავთ, ფიზიკურად გვისწორდებით, გვიჭერთ – ჩვენ მშვიდობიანად : სიტყვით, მიკროფონით, კამერებით დაგდებთ ბეჭებზე.

საქართველო არასდროს გახდება რუსეთი !”