“მე მასწავლით კონსტიტუციებს? გერმანიის პრეზიდენტი ნოტარიუსია…” – კობახიძე

“ქართული ოცნების” თავმჯდომარე, ირაკლი კობახიძე საკონსტიტუციო სასამართლოში პრეზიდენტის წინააღმდეგ წარდგენილ სარჩელზე ამბობს, რომ ეს იმპიჩმენტის საფუძველი არ და ვერ გახდება. მისივე განცხადებით, ერთადერთი რაც სასამართლომ უნდა გააკეთოს ნორმის განმარტებაა, თუ ვისი პრეროგატივაა ელჩების დანიშვნა. ცნობისთვის, “ქართულმა ოცნებამ” საკონსტიტუციო სასამართლოს ოფიციალურად სარჩელით 6 ივნისს მიმართა.

მმართველი გუნდის ამ გადაწყვეტილებას კრიტიკა მოჰყვა, რასაც ირაკლი კობახიძე ასე პასუხობს:

“გერმანიის პრეზიდენტი ნოტარიუსია, ესტონეთის პრეზიდენტი, ირლანდიის პრეზიდენტი, ან ინგლისი დედოფალი, ესპანეთის მეფე? მე მასწავლით კონსტიტუციებს? ვახტანგ ხმალაძე, სახელმწიფო საკონსტიტუციო კომისიაში, არსებობს საოქმო ჩანაწერები, აცხადებდა, რომ პრეზიდენტისთვის ეს იყო სიმბოლური კომპეტენცია, ახლა სხვა რამეს რომ ამბობს, ეს არის სირცხვილი, პირდაპირ საოქმო ჩანაწერებს ამოვიღებ რას ამბობდა ვახტანგ ხმალაძე მაშინ და რას ამბობს ახლა, ეს არის ნამდვილი სირცხვილი, ეს არ უნდა იკადროს”