ანტისაოკუპაციო მოძრაობა, “ძალა ერთობაშია” ლიდერი, დავით ქაცარავა წერს:
“ჯარისკაცი, რომელიც იბრძოდა უკრაინაში რუსების წინააღმდეგ, საქართველოში დააპატიმრეს.
შოთა ჯაფარიძე უკრაინიდან ფსიქიკური აშლილობით დაბრუნდა, რაც სამწუხაროდ, აბსოლუტურად ბუნებრივი მდგომარეობაა ასეთი საშინელი ომის შემდგომ პერიოდში.
როგორც გაირკვა, შოთამ ერთი ბოთლი ვისკი მოიპარა, თუმცა თავისი ფსიქიკური მდგომარეობიდან გამომდინარე ეს ქმედება არც ახსოვს.
მოსამართლემ არ გაითვალისწინა არცერთი გარემოება და 2 თვიანი პატიმრობა შეუფარდა.
ადამიანს ესაჭიროება როგორც მინიმუმ მკურნალობა და დანაშაულის ნაკლები სიმძიმიდან და მისი ფსიქიკური მდგომარეობიდან გამომდინარე აბსოლუტურად შესაძლებელი იყო გირაოს შეფარდება, ან “ზარალის ანაზღაურების” დაკისრება, პირობითი სასჯელი, მაგრამ არა ციხეში განწესება.
უახლოეს წარსულში ჩვენ არაერთი შემთხვევა გვახსოვს, როდესაც სასამართლომ ბევრად მძიმე,შეუდარებლად მძიმე დანაშაულის ჩამდენი პირი/პირები გირაოთი გაათავისუფლა.(თუ რამ განაპირობა ასეთი გადაწყვეტილებები, მარტივი გამოსაცნობია)
ჩნდება შეგრძნება, რომ შოთა ჯაფარიძის ციხეში გადაყვანა ერთგვარი სასჯელია იმისთვის, რომ შოთა იბრძოდა უკრაინაში.
შემთხვევითობაა? არ მგონია. უფრო მგონია, რომ შოთა მხოლოდ “პირველი მერცხალია”.
თუ როგორ აპირებს ხელისუფლება ჩემს დასჯას, ამაზე ცოტა მოგვიანებით მოგიყვებით.
დარწმუნებული ვარ, არც შოთა და არც მე არ ვიქნებით გამონაკლისები.
რაო ქოცებო, კრემლიდან მიიღეთ დავალება თუ თქვენი ინიციატივით გადაწყვიტეთ აამოთ თქვენს ჩასვრილ პუტლერ-ხუილოს?
კომენტარები