ამერიკული მედიის ცნობით, ამერიკის შეერთებული შტატების საკვების და წამლის მარეგულირებელი სააგენტო (FDA) A ჰეპატიტის გავრცელებას იკვლევს, რომელიც შესაძლოა, ორგანული მარწყვის ორ სახეობასთან იყოს დაკავშირებული.
მომხმარებლებში A ჰეპატიტის შემთხვევები დაფიქსირდა კალიფორნიაში, მინესოტასა და კანადაში.
ინფორმაციაში აღნიშნულია, რომ მომხმარებლებს მარწყვის შეძენამდე A ჰეპატიტი არ ჰქონიათ.
FDA-ს ცნობით, ამ დროისთვის ქვეყნის მასშტაბით დაფიქსირდა ინფექციის 17 შემთხვევა, 12 მათგანი კი ჰოსპიტალიზებულია.
abcnews-ის ინფორმაციით, ორგანული მარწყვი აშშ-სა და კანადის რამდენიმე ჰიპერმარკეტში გაიყიდა.
„FreshKampo და HEB ბრენდის მარწყვი, რომელიც მომხმარებელმა შეიძინა 5 მარტიდან 25 აპრილამდე, არ უნდა მიირთვათ,“
„ნებისმიერს, ვისაც მარწყვის მირთმევის შემდეგ აღენიშნება A ჰეპატიტის სიმპტომები, უნდა დაუკავშირდეს სამედიცინო დაწესებულებას“, – აცხადებენ FDA-ში.
ცნობისთვის, A ჰეპატიტი გადამდები ღვიძლის ინფექციაა, რომელსაც იწვევს A ჰეპატიტის ვირუსი.
კომენტარები