ქართული ოცნების დეპუტატმა ბექა დავითულიანმა უკრაინის პრეზიდენტის ოფისის ხელმძღვანელის მრჩევლის მიხაილო პოდოლიაკის განცხადების კომენტირებისას, თქვა:
“რუს ოლიგარქებს სანქციებს დაუწესებენ თუ არა, ეს საერთაშორისო საზოგადოებამ უნდა განსაზღვროს და ვინც ჩათვალა საჭიროდ, უკვე დაუწესა და, ალბათ, მომავალშიც დაუწესებს. რაც შეეხება ბიძინა ივანიშვილს, ის არც ოლიგარქია და მითუმეტეს – არც რუსი. აქედან გამომდინარე, პოდოლიაკს ურჩევნია, თავის საქმეს მიხედოს და ზედმეტად ცხვირს ნუ ყოფს სხვა ქვეყნის საქმეებში, ზედმეტად ცხვირს ნუ ყოფს იმაში, რაც მას არ ეკითხება და მისი საქმე არ არის.”
შეგახსენებთ, პოდოლიაკის თქმით, ეროვნებით რუს ოლიგარქებზე და მხოლოდ რუსეთის მოქალაქე ოლიგარქების სანქცირებაზე არ არის საუბარი და პრორუსი ოლიგარქები, მათ შორის ივანიშვილი, სანქცირებულთა სიაში უნდა იყვნენ.
კომენტარები